მოსკოვის პროკურატურამ მწერალ ბორის აკუნინის (გრიგორი ჩხარტიშვილი) წინააღმდეგ ახალი სისხლის სამართლის საქმის დაწყება მოითხოვა. ინფორმაციას ადგილობრივი მედია ავრცელებს.
უწყება აკუნინს ე.წ. უცხოეთის აგენტის კანონის დარღვევაში ადანაშაულებს. ამასთან, პროკურატურის ცნობით, მწერალი ე.წ. უცხოური აგენტის კანონის დარღვევის გამო ადმინისტრაციული მუხლით ორჯერ უკვე დააჯარიმა.
მოსკოვის პროკურატურა ამბობს, რომ მწერალი “განაგრძობდა შეტყობინებებისა და მასალების გავრცელებას ერთ-ერთ მესინჯერში ისე, რომ არ უთითებდა, რომ ისინი შეიქმნა და/ან გავრცელდა უცხოური აგენტის ფუნქციების შემსრულებლის მიერ”.
შეგახსენებთ, რომ 2023 წლის 18 დეკემბერს რუსეთის ფინანსური მონიტორინგის ფედერალურმა სამსახურმა მწერალი ბორის აკუნინი ტერორისტებისა და ექსტრემისტების რეესტრში შეიყვანა.
კომენტარები
Loading ...