რომის პაპი: შეხვდით ქრისტესშობას „მოკრძალებულად“ და დაზოგილი სახსრები უკრაინას გაუგზავნეთ

14 დეკემბერს რომის პაპი ფრანცისკე გამოვიდა მოწოდებით, წლევანდელი ქრისტესშობა „მოკრძალებულად“ აღინიშნოს და საჩუქრების ხარჯების შეზღუდვის შედეგად დაზოგილი თანხები „უკრაინის ტანჯულ ხალხს“ გაეგზავნოს.

ფრანცისკემ, თავისი ყოველკვირეული მიღების დროს, ხალხს მოუწოდა ქველმოქმედების „კონკრეტული ქმედებებისკენ“ უკრაინელთათვის სადღესასწაულო პერიოდში. „შესანიშნავია შობის აღნიშვნა და საღამოების გამართვა, მაგრამ მოდით, შევამციროთ საშობაო ხარჯები. მოდით, მოკრძალებული შობა აღვნიშნოთ მოკრძალებული საჩუქრებით და დაზოგილი ფული უკრაინის ხალხს გავუგზავნოთ, მათ, ვისაც ის სჭირდება“, თქვა პაპმა.