რომელ ქვეყნებში ამოქმედდება „მწვანე პასპორტები“ თებერვლის ბოლოდან?

ისრაელმა „მწვანე პასპორტები“ წარადგინა, რომლებიც ძალაში 21 თებერვლიდან შევა. ვაქცინაციის დამადასტურებელი დოკუმენტი ერთ-ერთი მთავარი წინაპირობა იქნება ქვეყნის ეკონომიკის გახსნისთვის. ამის შესახებ ინფორმაციას ადგილობრივი მედია ავრცელებს.
მედიის ცნობით, კოვიდ-პასპორტიან მოქალაქეებს სპორტულ დარბაზებში, აუზებზე, გამოფენებსა და სხვა სივრცეებში სიარულის უფლება მიეცემათ, ხოლო იმ პირებს, ვისაც აცრა ამ ეტაპამდე არ ჩატსრებიათ, ვერ შეძლებენ აღნიშნულ ადგილებს ეწვიონ.
„მწვანე პასპორტის“ შემოღებასთან დაკავშირებით მზაობა გამოთქვა ბაჰრეინმა და დანიამაც. აღსანიშნავია, რომ კოვიდ-პასპორტები ორივე ქვეყანაში ხელმისაწვდომი თებერვლის ბოლოდან გახდება.
თუმცა ზოგიერთ ქვეყანაში ვაქცინაციის სერთიფიკატი უკვე გაიცემა. მაგალითად ისლანდია აღნიშნულ დოკუმენტს 21 იანვრიდან გასცემს იმ მოქალაქეებზე, რომელბმაც კოვიდ-ვაქცინის ორივე დოზის მიღება მოახერხეს.
თავის მხრივ ისლანდია ასევე მზადყოფნას გამოთქვამს, ქვეყანაში მიიღოს ანალოგიური დოკუმენტის მფლობელი ტურისტები, რომლებიც გაცემულია ევროკავშირის ან შენგენის ქვეყნებში.
„კოვიდ პასპორტის“ დანერგვას ემხორბა, ესპანეთი, პორტუგალია, კვიპროსი, პოლონეთი და აშშ. ხოლო რაც შეეხება ესტონეთს, ქვეყანა ერთ-ერთი პირველი იყო, რომელმაც გასული წლის ოქტომბრიდან თანამშრომლობა დაიწყო მსოფლიო ჯანდაცვის ორგანიზაციასთან „ციფრული კოვიდ-პასპორტის“ შემოღებასთან დაკავშირებით.
პანდემიის პირობებში ტურიზმის ხელშეწყობის მიზნით, საბერძნეთმა, კვიპროსმა და ისრაელმა არა მხოლოდ კოვიდ-პასპორტების შემოღებაზე განაცხადეს თანხმობა, არამედ მზად არიან კოვიდ-პასპორტის მქონე მოქალაქეების მისაღებად. დოკუმენტი ძალაში პირველი აპრილიდან შევა. მოგზაურობას შეძლებენ ის მოქალაქეები, რომელთაც კორონავირუსის საწინააღმდეგო ვაქცინაცია ექნებათ ჩატარებული და ამის დამადასტურებელ დოკუმენტს წარადგენენ.
შეგახსენებთ, გასულ თვეს საბერძნეთის მთავრობამ ოფიციალურად დააყენა „ვაქცინაციის სერთიფიკატის“ შემოღების საკითხი ევროკავშირში. ევროკომისიის პრეზიდენტმა ურსულა ფონ დერ ლეიენმა საბერძნეთის პრემიერ-მინისტრის კირიაკოს მიცოტაკისის ინიციატივას მხარი დაუჭირა.

www.bm.ge