რომელ სფეროშია საქართველოში ყველაზე დაბალი და მაღალი ხელფასი

სტატისტიკის ეროვნული სამსახურის მონაცემებით, 2023 წლის მე-3 კვარტალში საშუალო თვიური ხელფასი წლიურად 16.3%-ით გაიზარდა და 1 855 ლარი შეადგინა.

სექტორულ ჭრილში, 2023 წლის მე-3 კვარტალში, საქართველოში ყველაზე მაღალი საშუალო თვიური ხელფასი შემდეგ დარგებში ფიქსირდება:

• ინფორმაცია და კომუნიკაცია – 3 958 ლარი;
• მშენებლობა – 3 033 ლარი;
• საფინანსო და სადაზღვევო საქმიანობა – 2 807 ლარი;
• პროფესიული, სამეცნიერო და ტექნიკური საქმიანობები – 2 616 ლარი;
• სახელმწიფო მმართველობა და თავდაცვა; სავალდებულო სოციალური უსაფრთხოება – 2 099 ლარი.

ამასთან, ყველაზე დაბალი ხელფასები დაფიქსირდა შემდეგ დარგებში:

• განათლების – 1 039 ლარი;
• წყალმომარაგება; კანალიზაცია, ნარჩენების მართვა და დაბინძურებისაგან გასუფთავების საქმიანობები – 1 149 ლარი;
• სოფლის, სატყეო და თევზის მეურნეობა – 1 150 ლარი;
• განთავსების საშუალებებით უზრუნველყოფის და საკვების მიწოდების საქმიანობები – 1 413 ლარი;
• ადმინისტრაციული და დამხმარე მომსახურების საქმიანობები – 1 435 ლარი.