რომელ საგანში ჩაიჭრა ყველაზე მეტი აბიტურიენტი ერთიან ეროვნულ გამოცდებზე და რამდენმა პროცენტმა გადახალა ზღვარი

შეფასებისა და გამოცდების ეროვნულმა ცენტრმა 2023 წლის ერთიანი ეროვნული გამოცდების სტატისტიკური ანალიზი გამოაქვეყნა. მათი ინფორმაციით, ქართულ ენასა და ლიტერატურაში მაქსიმალური 60 ქულის მიღება ჯამში 74-მა აბიტურიენტმა მოახერხა. კონკურსში მონაწილეობას აგრძელებს აბიტურიენტთა 96.56 %. მინიმალური კომპეტენციის ზღვარი ვერ გადალახა აბიტურიენტთა 3.44 % -მა.

ყველაზე მეტი უმაღლესი ქულა ინგლისურ ენაში დაიწერა,  ჯამში, მაქსიმალური 70 ქულის მიღება 648 აბიტურიენტმა შეძლო, მინიმალური ზღვარი კი 3.57%-მა ვერ გადალახა.

მათემატიკაში მაქსიმალური 51 ქულა ჯამში 43-მა აბიტურიენტმა მიიღო. კონკურსში მონაწილეობას აგრძელებს აბიტურიენტთა 84.25 %. მინიმალური კომპეტენციის ზღვარი ვერ გადალახა აბიტურიენტთა 15.75 %-მა.

ისტორიაში მაქსიმალური 60 ქულა მხოლოდ 8 აბიტურიენტმა მიიღო. კონკურსში მონაწილეობას აგრძელებს აბიტურიენტთა 94.47 %. მინიმალური კომპეტენციის ზღვარი ვერ გადალახა აბიტურიენტთა 5.53 %-მა. ასევე მხოლოდ მხოლოდ 8 აბიტურიენტმა შეძლო ქიმიაში კი მაქსიმალური 63 ქულის მიღება. მინიმალური კომპეტენციის ზღვარი ვერ გადალახა აბიტურიენტთა 19.53 %-მა, შესაბამისად, სწორედ ქიმიაში ჩაიჭრა ყველაზე მეტი აბიტურიენტი.

შეფასებისა და გამოცდების ეროვნული ცენტრის მონაცემების მიხედვით, ბიოლოგიაში, წელს, მაქსიმალური 70 ქულა არავის მიუღია. ყველაზე მაღალი შეფასება 69 ქულა იყო და 2-მა აბიტურიენტმა შეძლო მისი მიღება.  მინიმალური კომპეტენციის ზღვარი ვერ გადალახა აბიტურიენტთა 14.71 % -მა.