რომელი ქვეყნები ფლობენ ყველაზე დიდი მოცულობით ოქროს რეზერვებს – განახლებული რეიტინგი

მსოფლიო ოქროს საბჭოს (World Gold Council-WGS) კვლევის მიხედვით, ცენტრალური ბანკების ოქროსა და სავალუტო რეზერვები იზრდება, რაც ფინანსური ბაზრის მწვავე შეშფოთებით, მათ შორის, მაღალი კრიზისის მაღალი რისკებითა და მზარდი ინფლაციით არის ნაკარნახევი.

კერძოდ, 2023 წლის ბოლოს მსოფლიო მასშტაბით ცენტრალურმა ბანკებმა 1 037 ტონა ოქრო შეიძინეს, რაც შესყიდვების ისტორიაში 2022 წლის რეკორდული 1 082 ტონის შემდეგ სიდიდით მეორე წლიური მოცულობაა.

WGS) კვლევის თანახმად, მამავალ წელს ოქროს მარაგის გაზრდას ცენტრალური ბანკების, დაახლოებით, მესამედი (29%) აპირებს, რაც 2018 წლიდან დაწყებული ასეთი კვლევების ისტორიაში ყველაზე მაღალი მაჩვენებელია.

top-5 ქვეყანა, რომელმაც 2022-2023 წლებში ყველაზე დიდი რაოდენობით ოქრო იყიდეს:

• რუსეთი – 1 298 ტონა
• ჩინეთი – 1 181 ტონა
• თურქეთი – 424 ტონა
• პოლონეთი – 256 ტონა
• ინდოეთი – 246 ტონა

top-5 ქვეყანა, რომელიც ოქროს ყველაზე დიდ რეზერვებს ფლობს: (2024 წლის აგვისტოს სტატისტიკა)

• აშშ – 8.13 ათასი ტონა
• გერმანია – 3.35 ათასი ტონა
• იტალია – 2.45 ათასი ტონა
• საფრანგეთი – 2.44 ათასი ტონა
• რუსეთი – 2.34 ათასი ტონა

მაინც, სად ინახავს ოქროს მსოფლიოში ყველაზე დიდი მარაგის მქონე top-5 ქვეყანა:

აშშ – რეზერვების მთლიან მოცულობაში ოქროს წილი 72,4%-ია; ნახევარზე მეტი ინახება კენტუკის შტატში, ქალაქ ფორტ-ნოქსის ყოფილი სამხედრო ბაზის საცავში, ასევე, ნიუ-იორკის შტატის ქალაქ ვესტ-პოინტის ზარაფხანაში, კოლორადოს დენვერის ზარაფხანაში და ნიუ-იორკის ფედერალურ სარეზერვო ბანკში.

გერმანია – რეზერვების მთლიან მოცულობაში ოქროს წილი 71,5%; გერმანული ოქროს 50,6% ინახება ფრანკფურტში, ბუნდესბანკის საცავში. 36,6% ნიუ-იორკის ფედერალური სარეზერვო ბანკში, ხოლო 12,8% ლონდონის ინგლისის ბანკში.

იტალია – რეზერვების მთლიან მოცულობაში ოქროს წილი 68,3%; ინახება რომის პალაცო კოხის მიწისქვეშა საცავში (44,9%), ნიუ-იორკის ფედერალურ სარეზერვო ბანკში მანჰეტენზე (43,3%), შვეიცარიის ბერნის საცავში (6,1%) და ინგლისის ბანკის საცავში(5,8%).

საფრანგეთი – რეზერვების მთლიან მოცულობაში ოქროს წილი 69,9%-ია. მთავარი Banque de France-ის საცავი მდებარეობს პარიზში ბანკის სათავო ოფისის სარდაფის ქვედა – მინუს მერვე სართულზე.

რუსეთი – რეზერვების მთლიან მოცულობაში ოქროს წილი 29,5%; ინახება მოსკოვის მთავარ საცავში, დანარჩენი კი ცენტრალური ბანკის სხვა ქალაქის ფილიალების საცავებში სარდაფებშია.

www.bpn.ge