ბევრი ჩვენგანი მუშაობის დასრულების შემდეგ ელექტრომოწყობილობას დენის წყაროდან არ თიშავს. შეიძლება თუ არა ამის გაკეთება? რომელი მოწყობილობის დატოვებაა უსაფრთხო შეერთებულ მდგომარეობაში და რომლის არა?
რატომ უნდა გათიშოთ ელექტრომოწყობილობა კვების წყაროდან?
მაშინაც კი, როცა არ იყენებენ, ქსელთან დაკავშირებული მოწყობილობა მცირე რაოდენობის ენერგიას მოიხმარს. შესაბამისად, თუ ოჯახის ბიუჯეტს უფრთხილდებით, მუშაობის დასრულებისთანავე, მოწყობილობა კვების წყაროდან უნდა გათიშოთ.
ელექტრომოწყობილობის შტეფსელიდან გათიშვის კიდევ ერთი მიზეზი უსაფრთხოება გახლავთ. ელექტროენერგიის მცირე რყევებს მოწყობილობისთვის რაიმე ზიანის მიყენება არ შეუძლიათ, მაგრამ თუ ძაბვა მკვეთრად მოიმატებს, აპარატურა შეიძლება მწყობრიდან გამოვიდეს. ძაბვის მკვეთრი მატება 1000 ვოლტზე მეტი უნდა იყოს, რაც ძირითადად, ელექტროგადამცემ ხაზებზე ელვის დაცემის დროს ხდება.
სასურველია, ელექტრომოწყობილობები კვების წყაროდან გათიშოთ, როცა სახლიდან ხანგრძლივად წასვლა გიწევთ. ეს ელექტროენერგიის მკვეთრი მატების შემთხვევაში, მოწყობილობას აალებისგან და სახლს ხანძრისგანდაიცავს. რისკი განსაკუთრებით მაღალია, თუ სახლში იაფ, დაბალი ხარისხის მოწყობილობებს იყენებთ, რომლებსაც ძაბვის რყევებისგან დაცვის დაბალი ხარისხი გააჩნიათ.
რომელი მოწყობილობა უნდა გამორთოთ მუშაობის დასრულებისთანავე კვების წყაროდან?
ზოგი ელექტრომოწყობილობა მუდმივად მუშაობს, ზოგი კი მხოლოდ პერიოდულად. თუ ინსტრუქციაში წერია, რომ მოწყობილობა ყოველი გამოყენების შემდეგ უნდა გაითიშოს, ეს მოთხოვნა უნდა დაიცვათ.
ყოველი გამოყენების შემდეგ უნდა გაითიშოს:
- უთო – თუ უთო ავტომატური გამორთვის ფუნქციით აღჭურვილი არაა და ჩართული დაგრჩათ, შეიძლება ხანძარი გამოიწვიოს.
- გამათბობელი – ერთ-ერთია მოწყობილობათა შორის, რომლებიც ყველაზე მეტ ელექტროენერგიას მოიხმარს და მისი დიდხანს უყურადღებოდ დატოვება არ შეიძლება.
- თმის საშრობი – მცირე გაუმართაობამ შეიძლება ელექტროგაყვანილობის მოკლე ჩართვა და ხანძარი გამოიწვიოს.
- სმარტფონი – სრული დატენის შემდეგ, მისი ელექტროქსელში დატოვებას დამტენი მოწყობილობის დაზიანებას მოჰყვება.
- ელექტრო საპარსი – ნოტიო აბაზანაში მოკლე ჩართვის რისკი იზრდება.
რომელი ელექტრომოწყობილობის გათიშვა არ არის აუცილებელი?
კვების წყაროდან არ უნდა გამორთოთ:
- მაცივარი
- ვაიფაის უსადენო როუტერი
- კონდიციონერი
ეს მოწყობილობები უწყვეტად მუშაობენ და ამ ტექნიკას მწარმოებლები ამზადებენ იმის გათვლით, რომ ის კვების წყაროსთან მუდმივად შეერთებული იქნება.
საკუთარ უსაფრთხოებაში რომ დარწმუნდეთ, წაიკითხეთ მოწყობილობის ინსტრუქცია: სერტიფიცირებული ტექნიკის გამოყენების წესებში მითითებულია, საჭიროა თუ არა მოწყობილობის კვების წყაროდან გამორთვა.
რაც შეეხება ვაიფაის როუტერს, ის ელექტროენერგიას არ მოიხმარს. სანდო მწარმოებლის, ძვირად ღირებული მოწყობილობების გათიშვა საჭირო არ არის, რათა ტექნიკის მუშაობაში ხარვეზები არ შეიქმნას.
რა ხდება ტელევიზორისა და კომპიუტერის შემთხვევაში?
ამ მოწყობილობებს საკუთარი უკუკავშირის სქემა აქვთ, ამიტომ როდესაც არ მუშაობენ, ენერგიას არ მოიხმარენ. შესაბამისად, შეგიძლიათ გამორთული მოწყობილობა თამამად დატოვოთ კვების წყაროსთან შეერთებული.
ზოგ ელექტრომოწყობილობას „დასვენების“ გარეშე მუშაობა საერთოდ არ აწუხებს, ზოგს კი ხშირი გათიშვა სჭირდება. მთავარი დოკუმენტი, რომლითაც ტექნიკის გამოყენების დროს უნდა იხელმძღვანელოთ, ინსტრუქციაა.
Loading ...
