რომელი ავტომობილებია დღეს ყველაზე პოპულარული საქართველოში – კვლევა

საქართველოში საავტომობილო მარკებს შორის „ტოიოტა“ ლიდერობს. ამას მიუთითებს „თიბისი კაპიტალის“ უკანასკნელი კვლევაც, რომელიც 2025 წლის მე-3 კვარტლის მონაცემებს მოიცავს.

კვლევის თანახმად, პირველადი რეგისტრაციები მიანიშნებს, რომ „ტოიოტა“ ლიდერობას კიდევ უფრო განიმტკიცებს საავტომობილო ფლოტში. მოსალოდნელია, რომ „ფორდი“ მალე გადაასწრებს „ოპელს“ და მესამე ადგილს დაიკავებს.

უფრო კონკრეტულად კი, მსუბუქი ავტომობილების ფლოტში შემდეგი 10 საავტომობილო ბრენდი მოხვდა:

• ტოიოტა
• მერსედესი
• ოპელი
• ფორდი
• BMW
• ფოლკსვაგენი
• ჰონდა
• მიცუბიში
• ჰიუნდაი

რაც შეეხება პირველადი რეგისტრირებული მსუბუქი ავტომობილების ბრენდების ათეულს, ასე გამოიყურება:

• ტოიოტა
• ფორდი
• მერსედესი
• BMW
• სუბარუ
• ჰიუნდაი
• ფოლკსვაგენი
• ჯიპი
• ჰონდა
• ლექსუსი

კვლევის თანახმად, პირველად რეგისტრირებული მსუბუქი ავტომობილების ზრდა მეტწილად განპირობებულია ბენზინზე მომუშავე მანქანებით. პატარა წილების მიუხედავად, აღსანიშნავია, რომ ჰიბრიდი ავტომობილების რიცხვი წლიურად 24-ით, ხოლო ელექტრომანქანების რიცხვი 81%-ით გაიზარდა.

ამასთან, „თიბისი კაპიტალის“ კვლევის მიხედვით, საქართველოს ავტომობილების ფლოტი 2025 წლის პირველ 9 თვეში 5.4%-ით გაიზარდა, რასაც ყველაზე მეტად ხელი მსუბუქი ავტომობილების ზრდამ შეუწყო. პირველადი რეგისტრაციები კი 2025 წლის პირველ სამ კვარტალში 16%-ით გაიზარდა.