რომელია საუკეთესო იაფი ტელეფონი კარგი კამერით – სპეციალისტებმა ტოპ 6-ეული დაასახელეს

პორტალ Android Authority-მა იაფი სმარტფონების რეიტინგი შეადგინა, რომლებიც კარგი კამერით გამოირჩევიან.

სპეციალისტებმა ფოტოების მოყვარულებისთვის კამერაფონების ტოპ 6-ეული დაასახელეს:

• Pixel 7a – 500 დოლარამდე ღირებულების საუკეთესო კამერის მქონე ტელეფონი. მოწყობილობას განახლებული 13 და 64+13-მეგაპიქსელიანი კომბო-კამერა აქვს. კონკურენტებისგან გამოსახულების შემდგომი დამუშავების სპეციალური ორიგინალური ალგორითმებით გამოირჩევა, რაც მას სრულყოფილ სმარტფონად აქცევს.
• Galaxy A54 – 450 დოლარი. ის Samsung-ის საშუალო დონის ტელეფონებსა და მის ფლაგმანებს შორის საუკეთესო მოდელია. აქვს 50-მეგაპიქსელიანი მთავარი კამერა, 12-მეგაპიქსელიანი ულტრაფართოკუთხოვანი სენსორი და 5-მეგაპიქსელიანი მაკროგადაღების ფუნქცია.
• Galaxy A34 – მისი შეძენა 350 დოლარზე ნაკლებ ფასად არის შესაძლებელი. აქვს 48-მეგაპიქსელიანი მთავარი კამერა, ულტრაფართოკუთხოვანი კამერა 8 მეგაპიქსელითა და 5-მეგაპიქსელიანი მაკროკამერა.
• Motorola Moto G (2023) – ეს მოწყობილობა 250-დოლარიან სეგმენტში კონკურენტებს ფოტოშესაძლებლობებით ჯობნის. მართალია, დამატებითი კამერები საშუალო დონისაა, მაგრამ 50-მეგაპიქსელიანი მთავარი კამერა ცუდი განათების პირობებშიც კი მაღალი ხარისხის ფოტოებს იღებს.
• Galaxy A14 – ფასი 200 დოლარი, რომელიც ბაზარზე საუკეთესოდ ხელმისაწვდომი კამერაფონია. დაბალიბიუჯეტურობის მიუხედავად, მას 50-მეგაპიქსელიანი შესანიშნავი მთავარი კამერა აქვს, რომელიც პორტრეტული რეჟიმის ამოცნობის ფუნქციით გამოირჩევა. ექსპერტები, ასევე, ხაზგასმით აღნიშნავენ კამერის ფერთა გადაცემას.
• iPhone SE (2022) – ის iPhone-ის ბაზარზე ყველაზე ხელმისაწვდომია. იმის მიუხედავად, რომ ტელეფონს მხოლოდ ერთი 12-მეგაპიქსელიანი უკანა სენსორი აქვს, ის მაინც ერთ-ერთი საუკეთესო დაბალბიუჯეტიანი კამერაფონია. ტელეფოით გადაღებული სურათები ნათელია, ფერები ზუსტი, ხოლო კამერის აპლიკაცია მეტად მარტივი გამოსაყენებელია.

ექსპერტები წერენ, რომ მიმდინარე შემოდგომის ბოლოსთვის ბაზარზე სულ უფრო მეტი დაბალბიუჯეტიანი ფლაგმანური ტელეფინის შოვნა გახდება შესაძლებელი.

წყარო – ბიზნესპრესნიუსი