შვიდგზის ზეთისცხება, რომელიც შვიდი საიდუმლოდან ერთ-ერთია და ყოველთვის დიდ მარხვაში ტარდება, უკვე ჩატარდა ოზურგეთის მუნიციპალიტეტში მოქმედ თითქმის ყველა ტაძარში. თუმცა ყველაზე ბოლოს ეს საიდუმლო ოზურგეთის ღვთისმშობლის მიძინების სახელობის საკათედრო ტაძარში აღესრულება. შვიდგზის ზეთისცხება აქ 16 აპრილს, ოთხშაბათს, 15 საათზე დაიწყება.
ქრისტიანული სწავლების თანახმად, შვიდგზის ზეთისცხება შვიდი საიდუმლოდან ერთ-ერთია და ყოველთვის დიდ მარხვაში ტარდება. მართლმადიდებელ ქრისტიანს შვიდჯერ ეცხება წითელ ღვინოში არეული ზეთი მღვდლების მიერ. მრავალგზის იკითხება სახარება და ლოცვები სნეულთათვის. ეს ყველაფერი ქრისტიანის სულისა და ხორცის განკურნებისთვის სრულდება. ზეთის კურთხევისას, ეკლესიის ერთობლივი ლოცვისა და სნეულის ნაკურთხი ზეთითა და ღვინით ცხებისას, ავადმყოფ ქრისტიანზე საღმრთო მადლი გადმოდის, რომელსაც მისი ფიზიკური და სულიერი სნეულებების განკურნება შეუძლია. ზეთის კურთხევა უკავშირდება სინანულის საიდუმლოს. შვიდგზის ზეთის ცხება შეუძლია მხოლოდ მას, ვისაც ერთხელ მაინც აქვს აღსარება ჩაბარებული.
Loading ...