ფეხბურთის ფედერაციის გეერალურმა მდივანმა დავით მუჯირმა „სპორტი იმედზე“ სტუმრობისას ეროვნული ლიგის განახლების სავარაუდო თარიღი დაასახელა.
„სამწუხაროდ, დღის წესრიგში ჩემპიონატის ფორმატის ცვლილებაა. ოთხშაბათს, ევროსარბიელზე გასული კლუბებთან ვიდეოკონფერენციას გავივლით და ამ საკითხს გავარჩევთ. გამომდინარე იქიდან, რომ ევროპის ლიგის მონაწილეები მხოლოდ ეროვნულ ლიგაშია, ლიგა-ს სხვა გამოწვევა და კალენდარი ექნება. ბავშვების ტურნირების აღდგენა უფრო პრობლემურია და გვიან ზაფხულში ან შემოდგომაზე დაიწყება. პრობლემურია ქალთა და ფუტზალის ლიგების განახლება. პრიორიტეტულია ეროვნული ლიგის და ლიგა 2-ის დაწყება, რათა ევროტურნირებამდე რაც შეიძლება მეტი მატჩი ჩაატარონ. პოზიტიური გათვლით ივნისის ბოლოს, ივლისის დასაწყისში გვსურს, რომ გუნდებმა ვარჯიში დაიწყონ, ხოლო ივლისის დასაწყისში სეზონი განვაახლოთ. ახლა თითქმის ყველა კლუბი ვარჯიშობს,. ოღონდ შეზღუდვებით. თუ ამის აუცილებლობა დადგება, ტესტრირებას საკუთარ თავზე ავიღებთ.“ – ამბობს დავით მუჯირი.
სფფ-ს გენერალური მდივანმა ბელარუსთან ერთა ლიგის ნახევარფინალის შესაძლო ვადაზეც ილაპარაკა: „ეს მატჩი მარტიდან ივნისში გადაიტანეს, მერე კი სექტემბრისთვის და სავარაუდოდ, ოქტომბერში იქნება. თუმცა, ეს ვადა მაინც გაურკვეველია. უეფასთან სულ კავშირზე ვართ. უეფას აღმასკომი 27 მაისს იყო დაგეგმილი და 17 ივნისისთვის გადაიტანეს“.
დავით მუჯირის თქმით, ფედერაციის ტელევიზიის ამოქმედება ისევ გეგმაშია: „შესაძლოა, ტურები 3-4 დღეზე გავწელოთ, რომ თამაშები ხშირად და ყოველ დღე ვაჩვენოთ. ფეხბურთის ფედერაციის ტელევიზიის ამოქმედება ცოტა შეფერხდა, მაგრამ ისევ გეგმაში გვაქვს. ვფიქრობდით, რომ `GFF-TV” ივნისიდან ჩემპიონატის განახლებისთანავე აგვემოქმედებინა და ვნახოთ.ჩვენს პარტნიორებთან შეთანხმება ძალაშია, მაგრამ სფფ-ს ინტერნეტ სივრცეში რომ ვაჩვენებთ, ის მატჩები ამ არხზე გადაინაცვლებს. ასევე შევეცდებით იმ კლუბების თამაშები ვაჩვენოთ,სადაც ჩვენი ლეგიონერები თამაშობენ. თუ ზაფხულიდან ვერ მოვახერხებთ, გპირდებით, 2021 წლიდან იქნება.“.
Loading ...
