როგორც საზოგადოებისთვის ცნობილია, ”ბიბლუსის” ოზურგეთში მდებარე ფილიალში ცეცხლი 13 მარტს გაჩნდა და შენობის ნაწილი და იქ განთავსებული წიგნები, განსაკუთრებით კი საბავშვო განყოფილება დააზიანა.
მას შემდეგ თითქმის სამი თვე გავიდა, თუმცა მაღაზია კვლავ დაკეტილია და არც სარემონტო სამუშაოები დაწყებულა. აღსანიშნავია, რომ ”ბიბლუსის” ფილიალი ქალაქში წიგნის ერთადერთი მაღაზიაა, შესაბამისად, მაღაზიის უფუნქციობა არაერთი ოზურგეთელის პრობლემა გახდა.
ჩვენ დავინტერესდით, როდის შეიძლება ‘ბიბლუსმა” მაღაზია გაარემონტოს და მუშაობა კვლავ განაახლოს.
– მოგეხსენებათ, მაღაზიაში ხანძარი გაჩნდა და დაზიანებულია. აუცილებლად გაიხსნება, ოღონდ ზუსტად როდის, ვერ გეტყვით. სავარაუდოდ, ერთი თვის შემდეგ დაიწყება სარემონტო სამუშაოები. – განაცხადეს ”ბიბლუსის” ცხელ ხაზზე.