26 აპრილი, რომი, მსოფლიო პაპ ფრანცისკეს ემშვიდობება. ახალი ეპოქის დაწყებამდე კათოლიკური სამყარო პაპის არჩევის საუკუნოვანი, გასაიდუმლოებული და ტრადიციად ქცეული პროცესის მოლოდინშია.
ვიდრე ახალ პაპს აირჩევენ, ყოველდღიურ საქმეებს კარდინალების კოლეგია გაუძღვება. მათ შეზღუდული ძალაუფლება აქვთ, ამიტომ წმინდა საყდრის მართვის დიდი ნაწილი დაპაუზებულია.
სიქსტის კაპელა კონკლავისთვის ემზადება. ზუსტ თარიღს კარდინალები ადგენენ და ის პაპ ფრანცისკეს გარდაცვალებიდან 15-20 დღეში უნდა შედგეს.
გარემო მკაცრად იზოლირებულია, არავის შეუძლია შესვლა და არც ინფორმაციის გამოტანა. პროცესი, შესაძლოა, კვირების განმავლობაში გაგრძელდეს.
კვამლის ფერის მოლოდინში დღეში 4 კენჭისყრა ჩატარდება. დუმილში მიღებული გადაწყვეტილება ფურცლებზე დაიწერება.
ფარულ კენჭისყრაში მონაწილეობის მიღება 80 წლამდე ასაკის ყველა კარდინალს შეუძლია. ამჟამად, კოლეგია 252 კათოლიკე კარდინალს აერთიანებს, რომელთაგან ხმის მიცემის უფლება მხოლოდ 135 აქვს. დანარჩენებს მხოლოდ მონაწილეობის მიღება შეუძლიათ დებატებში, თუ ვინ უნდა დაიკავოს ახალი პონტიფექსის ადგილი. თითოეულ ბიულეტენს საგულდაგულოდ დაითვლიან.
როცა კენჭისყრა საბოლოოდ დასრულდება, ახალ პაპს ჯერ თანხმობას სთხოვენ შემდეგ კითხავენ, თუ რა სახელით სურს პაპობა.
მსოფლიო შედეგებს მას შემდეგ შეიტყობს, რაც ვატიკანის ოფიციალური წარმომადგენელი ქაღალდის ბიულეტენებს სპეციალური ნივთიერებების გამოყენებით დაწვავს, თეთრი კვამლის გამოჩენის შემდეგ, პეტრას ტაძრის აივანზე ჯერ კოლეგიის დეკანი გამოჩნდება, შემდეგ – ახალი პაპი. სპეციალურ შესამოსელში შემოსილი წმინდა პეტრეს ბაზილიკის აივანზე გავა, საიდანაც მთელ მსოფლიოს მიესალმება — როგორც რომის კათოლიკური ეკლესიის მეთაური.
ახალი პაპის ირგვლივ შეიკვრება ისტორიის მძიმე, წმინდა ქსელი. კვამლი ფერს შეიცვლის, შავი თეთრად, გლოვა კი დიდ ზეიმად გადაიქცევა.
Loading ...