როდიდან იწყება ონლაინ სწავლებისგან დასვენების დღეები სკოლებში და რამდენ ხანს გაგრძელდება?

განათლების, მეცნიერების, კულტურისა და სპორტის სამინისტროს ინფორმაციით, სკოლებში ზამთრის  არდადეგები 30 დეკემბრიდან  იწყება.

რაც შეეხება სწავლის განახლების თარიღს, მთავრობის გადაწყვეტილებით,  3 იანვრიდან 15 იანვრის ჩათვლით  საქართველოში უქმე დღეებია გამოცხადებული, რაც სკოლებსაც ეხებათ:

,,3 იანვრიდან 15 იანვრის ჩათვლით ცხადდება უქმე დღეები, დასვენების დღეები, რაც ნიშნავს იმას, რომ ჩვენ ეს დაგვეხმარება დამატებითი მობილობის შემცირებაში. შესაბამისად, ესაა კიდევ ერთი ბლოკი უმნიშვნელოვანესი გადაწყვეტილების, რაც მოქალაქეებს მისცემს საშუალებას, საახალწლო დღესასწაულები წინასწარ დაგეგმონ, რათა მათი მობილობა ამ დღეებში არ იყოს ჩაკეტილი”, – აღნიშნა პრემიერ-მინისტრმა გიორგი გახარიამ.

რადგან 16, 17 იანვარი შაბათ-კვირას ემთხვევა, სკოლებში ონლაინ სწავლება 18 იანვარს, ორშაბათს განახლდება. 

momsedu.ge