როდიდან გაფართოვდება შეზღუდვები საქართველოში

დაავადებათა კონტროლის ეროვნული ცენტრის ხელმძღვანელის ამირან გამყრელიძის აზრით, ე.წ. წერტილოვანი შეზღუდვების გაფართოება აუცილებელია.

ამის შესახებ მან tv “პირველზე“, გადაცემა „პირველ ხაზში“ სტუმრობისას განაცხადა და დამატებითი, ე.წ. წერტილოვანი შეზღუდვების შემოღება არ გამორიცხა.

„შემზღუდველი ღონისძიებები იქნება ანუ გაფართოვდება, მაგრამ სრული „ლოქდაუნი“, იმ მასშტაბის, რაც გაზაფხულზე გქვონდა, არ იქნება, თუმცა რასაც წერტილოვან შეზღუდვებს ვეძახით, მისი გაფართოება აუცილებელია და იქნება“, – თქვა ამირან გამყრელიძემ, თუმცა რა ტიპის ახალი შეზღუდვების დაწესებაა მოსალოდნელი, არ დაასახელა.

„მოვლენებს არ არ გავუსწრებ, რადგან ხვალაც საკოორდინაციო საბჭოს სხდომა არის დაგეგმილი… შეიძლება, ხშირად დაავადებათა კონტროლის ცენტრი ხშირად რადიკალური ვიყოთ… შეიძლება, ჩვენ ექიმები და NCDC უფრო რადიკალური ვიყოთ, მაგრამ საკოორდინაციო საბჭო აჯერებს ამ ყველაფერს ეკონომიკურ რისკებთან და ა.შ. და საბოლოო გადაწყვეტილება შეიძლება სხვანაირი იყოს“, – აღნიშნა ამირან გამყრელიძემ.