როდემდე იქნება აუცილებელი პირბადის ტარება

“პირბადის ტარება უნდა გახდეს სრულიად მანდატორული”, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს დასრულების შემდეგ სეზონური გრიპის გააქტიურებაზე საუბრისას განაცხადა.
მისი თქმით, რესპირაციული ვირუსის სეზონი აქტიურ ფაზაში შედის, ამიტომ პრევენციული ზომების დაცვა, მათ შორის პირბადის ტარება, სრულიად მანდატორული უნდა გახდეს.
„პირბადის ტარება ოფიციალურად მანდატორულია, თუმცა ყველამ უნდა გავითვალისწინოთ, რომ  დეკემბერში, იანვარსა და თებერვალში პირბადის ტარება ყველგან აუცილებელია“ – გამყრელიძე

-“პირბადე დაგიცავთ გრიპისგან და კოვიდისგან. დღეს პირბადის გამოყენების მაჩვენებელი 65%-ზე გვაქვს და თუ მას 95%-ზე ავიყვანთ, კორონავირუსის ახალი შემთხვევების რაოდენობა სერიოზულად შემცირდება და ვიქნებით დაცული გრიპისგანაც“, – განმარტა ამირან გამყრელიძემ.