როგორ უნდა მიხვდეთ, თუ მოზარდი ჩუმად მოიხმარს აკრძალულ ნივთიერებას

ფსიქოლოგიური და ემოციური არასტაბილურობა გარდატეხის ასაკის დამახასიათებელი ნიშანია. ჰორმონალური ცვლილებები, ფიზიკური განვითარება და სტრესული სიტუაციები განწყობილების მკვეთრ ცვლილებებს იწვევს. მოზარდები ძალიან მოწყვლადები არიან და ხშირად განიცდიან თვითშეფასების პრობლემებს. მნიშვნელოვანია აღვნიშნოთ, რომ ამ პერიოდში ისინი ყველაზე მეტად მოზრდილთა მხრიდან მხარდაჭერასა და გაგებას საჭიროებენ.

სოციალური ქსელები უზარმაზარ როლს ასრულებს თანამედროვე მოზარდების ცხოვრებაში. მიუხედავად იმისა, რომ ისინი კომუნიკაციისა და გამოცდილების გაზიარების საშუალებაა, ასევე აწესებენ ახალგაზრდებში გარკვეულ სტანდარტებსა და მოლოდინებს. ამას მოჰყვება ამ იდეალებთან შეუსაბამობის გრძნობა. მოზარდები ხშირად ადარებენ თავს სხვებს, რაც დეპრესიასა და შფოთვას იწვევს.

მოზარდების ერთ-ერთი ძირითადი პრობლემაა თანატოლების გავლენაა. მეგობრების მხრიდან ზეწოლა ხშირად იწვევს კონფლიქტს მშობლებთან. თანატოლების წრეში მიღებისა და მოწონების სურვილი ახალგაზრდებს ხშირად რისკიან ქმედებებისკენ აქეზებს, ისეთისკენ, როგორიცაა, მაგალითად, ნარკოტიკების მოხმარება.

პრობლემის ადრეულ ეტაპზე აღმოჩენა და დროული მხარდაჭერის გაწევას ბევრ პრობლემას აგაცილებთ თავიდან. როგორ უნდა მოხვდეთ, რომ მოზარდი შეიძლება ფსიქოაქტიურ ნივთიერებებს მოიხმარდეს, როგორ განვასხვაოთ საგანგაშო სიგნალები ჩვეულებრივი მოზარდული კრიზისებისგან, და ასევე – როგორ შევინარჩუნოთ სიმშვიდე და დავეხმაროთ შვილს.

ნარკოტიკების მოხმარების ნიშნები მოზარდებში

ნარკოტიკების მოხმარების ნიშნები იყოფა რამდენიმე ძირითად ჯგუფად. ყველაზე ხშირად მშობლები ქცევით ცვლილებებს ამჩნევენ.

სოციალური ნიშნები

• გაიჩინა ახალი მეგობრები საეჭვო რეპუტაციით
• ცვლილებები გარემოცვაში, მაგალითად, მოზარდი ხშირად ტრიალებს იმ ადგილებში, სადაც საეჭვო რეპუტაციის ახალგაზრდები იკრიბებიან.

ფსიქოლოგიური ნიშნები

• ნერვულობა, მუდმივი დაძაბულობა, შფოთვითი ფიქრები ხილული მიზეზის გარეშე
• დეპრესიული მდგომარეობა – ინტერესის კარგვა ცხოვრებისადმი, უიმედობის შესახებ ფიქრები
• ყურადღების კონცენტრაციის პრობლემები, გულმავიწყობა, პრობლემები სწავლაში

ქცევითი ნიშნები

• განწყობილების მკვეთრი ცვლილებები, მაგალითად, მოზარდი შეიძლება მკვეთრად გახდეს აგრესიული ან პირიქით – ჩაკეტილი და აპათიური
• ინტერესების შეცვლა – ინტერესის დაკარგვა ჰობისადმი, სწავლისადმი ან ახლობლებთან კომუნიკაციისადმი. შეიძლება გამოვლინდეს ოჯახის ან ძველი მეგობრებისგან თავის არიდებით
• სახლიდან გასვლა ახსნის გარეშე – ხშირი სეირნობები ან ღამისთევა ახალ ნაცნობებთან მშობლების ნებართვის გარეშე
• პრობლემები სკოლაში – წარმატების დაქვეითება, გაკვეთილების გაცდენა, კონფლიქტები მასწავლებლებთან

გარეგნული (ფიზიკური) ნიშნები

• მოზარდი იწყებს უფრო გამომწვევი ტანსაცმლის ჩაცმას ან პირიქით – ხდება არეულ-დარეული, იცვლის სტილს ხილული მიზეზების გარეშე. შეიძლება იგრძნოთ უჩვეულო სუნი, მაგალითად, ნარკოტიკული ან ქიმიური ნივთიერებების სუნი (თუმცა ყველა მშობელი ვერ შეძლებს მის ამოცნობას)
• ასევე შესაძლებელია კვალი სახეზე, ფეხებზე ან ხელებზე – სიწითლე, სისხლჩაქცევები ან ინიექციების კვალი. ხშირად მალავენ ტანსაცმლის ქვეშ. ამიტომ სიცხეშიც მაქსიმალურად დაფარულ ტანსაცმელს ატარებენ
• წონაში ცვლილებები, მაგალითად, მკვეთრი დაკლება ან წონაში მატება ახსნადი მიზეზების გარეშე. ზოგი ნივთიერება იწვევს მადის შემცირებას, სხვა – პირიქით
• პრობლემები მხედველობაში. გაფართოებული ან შევიწროებული თვალის გუგები – კლასიკური ნიშნების ერთ-ერთი. მაგალითად, თვალის გუგები შეიძლება იყოს ძალიან დიდი ნათელ გარემოშიც კი ან ძალიან ვიწრო
• ძილის დარღვევები. უძილობა ან ზედმეტი ძილიანობა ხილული მიზეზების გარეშე
• ფიზიკური ჩივილები ობიექტური მიზეზების გარეშე: თავის ტკივილი, მუცლის ტკივილი. გააგრძელეთ კითხვა: