როგორ უნდა იმართოს COVID-19 ბინაზე? – ჯანდაცვის მინისტრის ბრძანება

ჯანდაცვის სამინისტროს ვებ-გვერდზე გამოქვეყნდა მინისტრ ეკატერინე ტიკარაძის მიერ ხელმოწერილი ბრძანება, რომლის მიხედვითაც უნდა იმართოს COVID-19–ის დადასტურებული შემთხვევები ბინაზე. ბრძანებას ჯანდაცვის მინისტრმა ხელი 12 ნოემბერს მოაწერა.

ბრძანების თანახმად,

1. საზოგადოებრივი უსაფრთხოების მართვის ცენტრი „112“ იღებს შესაბამის კოვიდ-დადასტურებული შემთხვევების საქმეებს;

2. ონლაინ კონსულტაციებში ჩართული დაწესებულება/ექიმი უზრუნველყოფს საქმეების მიღებას ყოველდღე 24 საათიან რეჟიმში; 

3. ონლაინ კონსულტაციებში ჩართული დაწესებულება/ექიმი ვალდებულია:

• საქმის მიღებიდან არაუგვიანეს 10 წუთისა, 112-ის პროგრამული უზრუნველყოფის საშუალებით, დაადასტუროს შესაბამისი საქმის მიღება;
• საქმის მიღებიდან არაუგვიანეს 1 საათისა, მაგრამ არაუგვიანეს იმავე დღის 00:00 სთ-სა დაიწყოს სატელეფონო კონსულტაცია;
• ინიციატორებთან სატელეფონო კონსულტაციები განახორციელოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ განსაზღვრული პროტოკოლის მიხედვით;
• კონსულტაციის დროს პაციენტს მიაწოდოს მასთან საკონტაქტო ტელეფონის ნომერი, რომელიც შეიძლება გამოყენებულ იქნეს, ჯანმრთელობის მდგომარეობის გაუარესების შემთხვევაში.

4. ონლაინ კონსულტაციებში ჩართული დაწესებულება/ექიმი ახორციელებს პაციენტის საწყის კლინიკურ შეფასებას და მდგომარეობის შესაბამისად, იღებს გადაწყვეტილებას:

• პაციენტს ესაჭიროება სასწრაფო სამედიცინო დახმარება/ჰოსპიტალიზაცია ან საკარანტინე სივრცეში გადაყვანა
– ექიმი, სატელეფონო ზარის საშუალებით 112-ის ოპერატორს (სატელეფონო ნომერი 112 ან და სპეციალურად გამოყოფილ სატელეფონო ნომერზე), აცნობებს საქმის საიდენტიფიკაციო ნომერს, თარიღს, პაციენტის სახელსა და გვარს და ასევე, სასწრაფო გადაუდებელი დახმარების ბრიგადის საჭიროების მიზეზს;
• პაციენტი ექვემდებარება ბინაზე მეთვალყურეობას
– ინფორმაცია აღირიცხება 112-ის პროგრამული უზრუნველყოფის საშედეგო ფორმაში.

5. ექიმის გადაწყვეტილებით, ბინაზე მეთვალყურეობისთვის დატოვებულ პაციენტებთან COVID-19-ის დადასტურებულ შემთხვევაში შემდგომი სატელეფონო კომუნიკაცია ხორციელდება ყოველდღიურ რეჟიმში:

• უსიმპტომო პაციენტისთვის დამადასტურებელი სინჯის აღებიდან 10 კალენდარული დღის განმავლობაში;
• მსუბუქი სიმპტომების მქონე პაციენტებისთვის დამადასტურებელი სინჯის აღებიდან მინიმუმ 10 კალენდარული დღისა და სიმპტომების ალაგებიდან დამატებით 3 უსიმპტომო დღის განმავლობაში.

6. სატელეფონო კომუნიკაციით მიღებული ინფორმაცია COVID-19-ის დადასტურებულ შემთხვევებში უნდა აისახოს 112-ის პროგრამული უზრუნველყოფის საშედეგო ფორმაში შემდეგი სახით*:
 უსიმპტომო პაციენტებზე – პირველ (მეთვალყურეობაზე აყვანა) და მე-11 (მეთვალყურეობიდან ჩახსნა) დღეს;

 მსუბუქი სიმპტომების მქონე პაციენტებზე – პირველ დღეს (მეთვალყურეობაზე აყვანა), უსიმპტომო პერიოდის დაწყების პირველ დღეს და უსიმპტომო პერიოდის დაწყებიდან მე-4 (მეთვალყურეობიდან ჩახსნა) დღეს;
 ოჯახის ექიმი ვალდებულია დამატებით შეავსოს საშედეგო ფორმა, თუ შეიცვალა პაციენტის სტატუსი.
*საშედეგო ფორმის შევსების გარდა, ექიმი ვალდებულია პაციენტის ყოველდღიური მონიტორინგის შესახებ ინფორმაცია ყოველდღიურად ასახოს ამბულატორიული მეთვალყურეობის ბარათში.

7. თუ დამატებითი სატელეფონო კომუნიკაციის შეთხვევაში გამოიკვეთება სასწრაფო გადაუდებელი დახმარების ბრიგადის ჩართულობის საჭიროება, ოჯახის ექიმი ატყობინებს 112-ს აღნიშნული პაციენტის თაობაზე, რომლის საფუძველზე 112 უზრუნველყოფს სასწრაფო გადაუდებელი დახმარების ბრიგადის ჩართულობას.

8. ონლაინ კონსულტაციებში ჩართული დაწესებულება/ექიმი მეთვალყურეობას უწევს ასევე, კოვიდ-დადებით პაციენტებს, რომლებიც კოვიდ-კლინიკიდან ან კოვიდ-სასტუმროდან ეწერება ბინაზე შემდგომი მეთვალყურეობისთვის გამოჯანმრთელებამდე. ასეთ შემთხვევაში, კოვიდ-კლინიკის ან კოვიდ-სასტუმროს ექიმი ატყობინებს 112-ის ოპერატორს, რომელიც თავის მხრივ საქმეს გადასცემს ონლაინ კონსულტაციებში ჩართულ დაწესებულებას/ექიმს შემდგომი რეაგირებისათვის.

9. სატელეფონო კონსულტაციის უმთავრესი მიზანია, ყველა მოქალაქემ მიიღოს კვალიფიციური სამედიცინო კონსულტაცია და იგრძნოს სახელმწიფოს მაქსიმალური მზრუნველობა მათ ჯანმრთელობაზე.

10. პაციენტებთან ყველა კომუნიკაციაში ხაზგასმით უნდა აღინიშნოს თვითიზოლაციის წესების მკაცრი დაცვის აუცილებლობა და სახლში დარჩენის მოთხოვნა.

11. 112-ის პროგრამული უზრუნველყოფის შეფერხების ან ტექნიკურ ხარვეზთან დაკავშირებით ონლაინ კონსულტაციებში ჩართულ დაწესებულებას/ექიმს შესაძლებლობა აქვს 24 საათიან რეჟიმში დაუკავშირდეს 112-ის ტექნიკური დახმარების ჯგუფს, შემდეგ ნომრებზე – 577011102, 595 272 644; 577 011 101; 032 2 418 613.

როგორ უნდა იმართოს ბინაზე COVID-19–ის საეჭვო შემთხვევები?

1. რესპირაციული, ან სხვა სიმპტომების მქონე:

• საყოველთაო ჯანდაცვის პროგრამის ბენეფიციარი უნდა დაუკავშირდეს:
 საკუთარ ოჯახის ექიმს (ასეთის არსებობის შემთხვევაში) ან საყოველთაო ჯანმრთელობის დაცვის პროგრამის ფარგლებში გეგმური ამბულატორიის მიმწოდებელ დაწესებულებას (შემდგომში – კლინიკა).
• სადაზღვევო სქემაში ჩართული პირი უნდა დაუკავშირდეს:
 სადაზღვევო კომპანიას/ სადაზღვევო კომპანიის ოჯახის ექიმს (შემდგომში კლინიკა).
• პირი, რომელიც არის საყოველთაო ჯანდაცვის პროგრამის ბენეფიციარი, მაგრამ არ არის რეგისტრირებული არცერთ პჯ დაწესებულებაში უნდა დაუკავშირდეს:
 საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცხელ ხაზზს (1505);
 112-ში ზარის განხორციელების შემთხვევაში, 112 გადაამისამართებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცხელ ხაზზე (1505).
• პირი, რომელიც არ არის არც საყოველთაო ჯანდაცვის პროგრამის ბენეფიციარი და არც კერძო სადაზღვევო სქემაში ჩართული უნდა დაუკავშირდეს:
 საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცხელ ხაზზს (1505);
 112-ში ზარის განხორციელების შემთხვევაში, 112 გადაამისამართებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცხელ ხაზზე (1505).

2. თუ რესპირაციული ან სხვა სიმპტომების მქონე პაციენტმა არ იცის ოჯახის ექიმის/სამედიცინო დაწესებულების საკონტაქტო ინფორმაცია, უნდა დაუკავშირდეს:

 საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცხელ ხაზზს (1505);
 მოიძიოს ინფორმაცია პორტალზე: http://ambulatoria.moh.gov.ge/  .

3. კლინიკა უზრუნველყოფს სიმპტომიანი პაციენტების მართვას:

• ყოველდღიურ რეჟიმში, 18:00 სთ -მდე;
• არასამუშაო საათებში პაციენტის მიერ განხორციელებულ ზარს უპასუხებს მორიგე რეგისტრატორი/ოპერატორი, ან ჩაიწერს ავტომოპასუხე, ხოლო ექიმის მიერ მეთვალყურეობა განხორციელდება მეორე დღეს.

4. კლინიკა ვალდებულია:

• სატელეფონო კონსულტაცია განახორციელოს დღის განმავლობაში, იმ დღეს და წინა დღის 6 სთ-დან დილამდე ავტომოპასუხეზე შემოსულ ზარებზე;
• სატელეფონო კონსულტაცია განახორციელოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ განსაზღვრული პროტოკოლის მიხედვით;
• ყველა სატელეფონო კონსულტაციის დროს ხაზგასმით აღინიშნოს თვითიზოლაციის წესების მკაცრი დაცვისა და სახლში დარჩენის აუცილებლობა;
• ყველა სატელეფონო კონსულტაციის შემდეგ ინფორმაცია ასახოს სამედიცინო დოკუმენტაციაში (ამბულატორიული ბარათი). სამედიცინო დოკუმენტაციაში უნდა აისახოს ასევე, კონსულტაციის რომელიმე ეტაპზე ექიმის გადაწყვეტილება, რომ პაციენტი აღარ საჭიროებს მეთვალყურეობას;
• თუ სატელეფონო კომუნიკაციის შეთხვევაში გამოიკვეთება სასწრაფო გადაუდებელი დახმარების ბრიგადის ჩართულობის საჭიროება, სატელეფონო ზარის საშუალებით შეატყობინოს 112-ის ოპერატორს (ოჯახის ექიმებისთვის სპეციალურად გამოყოფილ ნომერზე) პაციენტის სახელი, გვარი, მისამართი და ასევე, სასწრაფო გადაუდებელი დახმარების ბრიგადის საჭიროების მიზეზი, რომლის საფუძველზე 112 უზრუნველყოფს სასწრაფო გადაუდებელი დახმარების ბრიგადის ჩართულობას;
• სატელეფონო კონსულტაციის უმთავრესი მიზანია, ყველა მოქალაქემ მიიღოს კვალიფიციური სამედიცინო კონსულტაცია და იგრძნოს სახელმწიფოს მაქსიმალური მზრუნველობა მათ ჯანმრთელობაზე.

5. თუ ოჯახის ექიმის გადაწყვეტილებით, პაციენტს ესაჭიროება COVID-19-ზე სპეციფიკური ტესტირება:

• ნაცხის ამღები ონლაინ კონსულტაციებში ჩართული დაწესებულება/ექიმი გეგმავს ტესტირების ჩატარებას, მართავს რიგს;
• სხვა პირველადი ჯანდაცვის დაწესებულებების (მათ შორის, სადაზღვევო კომპანიის სახელშეკრულებო ურთიერთობაში მყოფი სამედიცინო დაწესებულებები) და ცენტრალური ონლაინ კლინიკის ოჯახის ექიმები ტესტირებისთვის პაციენტებს აგზავნიან საკვლევი მასალის ამღებ სამედიცინო დაწესებულებებში, ამ მიზნით:
 პირველადი ჯანდაცვის დაწესებულებება (მათ შორის, სადაზღვევო კომპანიის სახელშეკრულებო ურთიერთობაში მყოფი სამედიცინო დაწესებულებები) და ცენტრალური ონალინ კლინიკა აფორმებს ხელშეკრულებას/შეთანხმებას საკვლევი მასალის ამღებ სამედიცინო დაწესებულებებთან;
 პირველადი ჯანდაცვის დაწესებულება (მათ შორის, სადაზღვევო კომპანიის სახელშეკრულებო ურთიერთობაში მყოფი სამედიცინო დაწესებულებები) და ცენტრალური ონლაინ კლინიკა ნაცხის ამღებ სამედიცინო დაწესებულებას დღის ბოლოს ელექტრონული ფორმით აწვდის ინფორმაციას იმ პაციენტების შესახებ, რომლებიც, საჭიროებენ ტესტირებას. ნაცხის ამღები სამედიცინო დაწესებულება, თავის მხრივ უკავშირდება პაციენტს და არეგულირებს რიგს;
 განსაკუთრებულ შემთხვევაში, შესაძლებელია მყისიერი კომუნიკაცია ნაცხის ამღებ სამედიცინო დაწესებულებასთან და პაციენტის ტესტირების ჩატარება.

6. თუ კოვიდ-კლინიკიდან ან კოვიდ-სასტუმროდან ბინაზე ეწერება პაციენტი „გამოჯანმრთელებულის სტატუსით“, რომელსაც ესაჭიროება ბინაზე მეთვალყურეობა:

 კოვიდ-კლინიკა ან კოვიდ-სასტუმრო ვალდებულია, პაციენტისთვის გადასაცემ სამედიცინო დოკუმენტაციაში, რომელიც პაცინეტის მიერ გადაეცემა კლინიკას, მიუთითოს პაციენტზე მეთვალყურეობის აუცილებლობა.

 

www.bm..ge