როგორ აფასებს ვლადიმირ ვაისი საქართველოს შანსებს ბელორუსთან

საქართველოს ეროვნული საფეხბურთო ნაკრების მთავარმა მწვრთნელმა ვლადიმირ ვაისმა ბელარუსთან ერთა ლიგის ნახევარფინალურ შეხვედრამდე „დინამო-არენას“ მედიადარბაზში პრესკონფრენეცია გამართა.

„ბელარუსის ნაკრებმა ჩვენსავით მოიგო ერთა ლიგის ჯგუფი. გამოცდილი მოთამაშეებით დაკომპლექტებული გუნდია, საინტერესო ახალგაზრდებიც ჰყავთ – მარტინივიჩი კარგი მცველია, ახალგაზრდა ლისაკოვიჩი ნიჭიერი თავდამსმხელია. ორივე კარგ გუნდში თამაშობს, ზოგადად, კარგად ორგანიზებული გუნდია, რომელიც სტანდარტულებს კარგად ასრულებს. შანსი კი 50/50-ზეა.“ – ამბობს ვლადიმირ ვაისი.

ნაკრების მთავარმა მწვრთნელმა კომენტარი გიორგი ჩაკვეტაზეც გააკეთა: „სამწუხაროდ, ხვალ ჩაკვეტაძის გარეშე ვითამაშებთ. ბელგიიდან ტრავმის შემდეგ დაბრუნდა. ბოლო მატჩი ჩაატარა, მაგრამ ხვალისთვის მზად არაა“.

საქართველოსა და ბელარუსის ეროვნული ნაკრებები ერთა ლიგის ნახევარფინალში 8 ოქტომბერს ითამაშებენ. მატჩი ბორის პაიჭაძის სახელობის „დინამო არენაზე“ გაიმართება და 20:00 საათზე დაიწყება. შეხვედრის პირდაპირ ტელერეპორტაჟს საქართველოს პირველი არხი შემოგთავაზებთ, ხოლო რადიორეპორტაჟი FM 102,3-ზე განხორციელდება.