ერთიან ნაციონალურ მოძრაობაში ჩატარებული არჩევნების შემდეგ, რომელშიც ლევან ხაბეიშვილმა გაიმარჯვა , ოზურგეთის რაიონულ ორგანიზაციაში არჩევნები შეაფასეს და სამომავლო გეგმებზე ისაუბრეს.
როგორც რაიონული ორგანიზაციის ლიდერმა, ამავდროულად ნიკა მელიას მხარდამჭერმა დავით მჟავანაძემ განაცხადა, ის პარტიაში რჩება და აგრძელებს ბრძოლას ოლიგარქის და ოლიგარქიის წინააღმდეგ და მესამე პრეზიდენტის დასახსნელად. მჟავანაძემ გამარჯვება მიულოცა ლევან ხაბეიშვილს და წარმატებები უსურვა.
თათია ნიკოლაიშვილის შეფასებით, რომელიც არჩევნებში მხარს ლევან ხაბეიშვილს უჭერდა, აღნიშნული არჩევნებით ნაციონალურმა მოძრაობამ დემოკრატიის მაღალი კლასი აჩვენა. რაც შეხება სამომავლო გეგმებს, ნუკოლაიშვილის თქმით პარტიის ახლადარჩეული თავმჯდომარე ყოფილ ოპონენტებთან თანამშრომლობას გეგმავს. ნაციონალურ მოძრაობაში აქტიური მუშაობა და მუდმივი მოძრაობა იქნება. ნიკოლაიშვილმა აღნიშნა, რომ პარტიას არ ყავს დასაკარგი ადამიანები და მათი ბრძოლა ამიერიდან მხოლოდ და მხოლოდ მიხეილ სააკაშვილის ციხიდან გამოსახსნელად და ბიძინა ივანიშვილის დასამარცხებლად იქნება მიმართული.
Loading ...
