ყურადღებიანი, გულუხვი და, ერთი შეხედვით, უბრალოდ სრულყოფილი მამაკაცის გაცნობისას ქალები ყოველთვის ვერ ამჩნევენ „საგანგაშო ნიშნებს“,
რომლებიც იმთავითვე გვამცნობს, რომ ეს ადამიანი თავის ნამდვილ სახეს მალე გამოავლენს და ქალს ცხოვრებას ჯოჯოხეთად უქცევს.
მაშ, როგორ ამოვიცნოთ ტირანი ზღაპრულ პრინცში, თუ რომანის საწყის ეტაპზე ეს ყველაფერი შეუმჩნევლად ხდება?
ბედი ნამდვილ ტირანს რომ არ დაუკავშიროთ, საჭიროა იცოდეთ შვიდი საგანგაშო ნიშანი, რომლებიც ცნობილმა პრაქტიკოსმა ფსიქოლოგებმა ჩამოაყალიბეს.
ის მეტისმეტად იდეალურია
გალანტური ჯენტლმენი, რომელიც მანქანის კარს გიღებთ, რესტორნებში გეპატიჟებათ, საჩუქრებითა და კომპლიმენტებით გავსებთ მიზეზით თუ უმიზეზოდ – ნადვილი ზღაპარია! მაგრამ ზღაპრული ფასადის მიღმა შესაძლოა არც ისე სასიამოვნო პიროვნება იმალებოდეს. მით უმეტეს, თუ თქვენი იდეალური მამაკაცი ნელ-ნელა თავად იწყებს იმის გადაწყვეტას, როგორ გაატაროთ დასვენების დღეები, სად წახვიდეთ და როგორ ჩაიცვათ.
ფრთხილად! სავსებით შესაძლებელია, რომ თქვენ წინაშე მომავალი ტირანი იდგეს.
განსაკუთრებული ყურადღება მიაქციეთ მის კომპლიმენტებს. თუ მამაკაცი მარტო თავის თავს კი არ მიიჩნევს სრულყოფილებად, არამედ თქვენც კვარცხლბეკზე გაყენებთ, აქ რაღაც ისე არ არის.
ადეკვატური ადამიანი არასდროს აიდეალებს ვინმეს, ის ქალს მისი ყველა დადებითი და უარყოფითი მხარეებით იღებს. აი, მომავალ დიქტატორს კი მხოლოდ საოცნებო ქალი უნდა გვერდით – ისეთი, რომელსაც არანაირი მინუსი არ ექნება.
მისი ყველა ყოფილი მონსტრია
დააკვირდით, როგორ საუბრობს ის ყოფილ შეყვარებულებსა თუ მეუღლეზე. თუ ყველა მათგანს მერკანტილურ „სწერვად“ ახასიათებს, რომლებიც მარტო გაკიცხვას კი არა, გასილაქებასაც იმსახურებდნენ, სასწრაფოდ გაიქეცით! თქვენ წინაშე ნამდვილი მოძალადეა.
ასეთი კაცი გამუდმებით გაგიმეორებთ, რომ თქვენ მისი იდეალი ხართ და საერთოდ არ ჰგავხართ მის ყოფილებს. მაგრამ ეს მხოლოდ თქვენი სიფხიზლის მოდუნების მცდელობა იქნება და არა სიმართლე. როგორც კი მის ნებას ოდნავ დაჰყვებით, ტირანი მაშინვე შეიცვლის ქცევას და მერეღა გაიგებთ მასზე „სიმართლეს“.
სხვათა შორის, როდესაც მამაკაცი თავის ყოფილ პარტნიორზე დუმს ან რაღაც გაურკვეველს ამბობს, ესეც საგანგაშო ნიშანია. მას აშკარად არ სურს, რომ ქალმა გაიგოს, როგორ მოექცა ყოფილ შეყვარებულსა თუ მეუღლეს.
არ მოსწონს თქვენი მეგობრები
თქვენი მეგობრების მიმართ მოულოდნელად ნეგატიურად „გაღვივებული“ მამაკაცი ნამდვილად ეკუთვნის შინაური დიქტატორების კატეგორიას. თუ ის გეტყვით, რომ არ შეგფერით თქვენი გარემოცვა, იცოდეთ – ეს საგანგაშოა.
ის ასე, ნელ-ნელა, გამუდმებული ძახილით დაგაკარგვინებთ მეგობრებს, პირად სივრცეს, დროს სხვა საყვარელი ადამიანებისთვის და მთელ თქვენს ყურადღებას თავის თავზე გადართავს. ეს ტირანის დამახასიათებელი თვისებაა.
ასე აქცევს მომავალი ტირანი ქალს იზოლაციაში, უკარგავს მისგან წასვლის სურვილსა და ნებას. და რა არის ქალი ასეთი ტიპისთვის – ეს ალბათ ძნელი მისახვედრი არ არის.
გადაჭარბებულად „ზრუნავს“ თქვენზე
სწორედ ეს თვისება ახასიათებს ბევრ ტირანს. ჰიპერზრუნვამ და ისეთმა ფრაზებმა, როგორებიცაა: „ყველაფერს შენთვის ვაკეთებ“, „მე შენ გამო ვღელავ“ – ურთიერთობის საწყის ეტაპზევე უნდა დააფიქროს ქალი.
Loading ...
