როგორია ოზურგეთში ძაღლისგან დაკბენილი ბავშვის მდგომარეობა – ექიმის კომენტარი

ოზურგეთის მუნიციპალიტეტის სოფელ მერიაში ძაღლმა ორი მცირეწლოვანი დაკბინა. 5 წლის და 2 წლის ბავშვებს, რომლებიც ძმები არიან, თავს ქუჩის ძაღლი დაესხა. რთული მდგომარეობის გამო, უმცროსი ბიჭი რეანომობილით თბილისში, იაშვილის კლინიკაში გადმოიყვანეს. კლინიკის დირექტორის განცხადებით, მცირეწლოვანი რეანიმაციაშია მოთავსებული და მდგომარეობა მძიმედ ფასდება, თუმცა, ექიმის შეფასებით, ბავშვის სიცოცხლეს საფრთხე არ ემუქრება.

“მძიმეა მდგომარეობა. თავის ქალას დამცავი კანის საფარველი მთლიანად არის დაზიანებული და მოცილებული. სიცოცხლისთვის საშიში არ არის, მაგრამ კანის დაზიანების ხარისხი ძალიან მძიმეა. შეუთავსებელი დაზიანებები ან სისხლჩაქცევები, ან ძვლების დაზიანებები, ან თვალის არ აქვს – აცხადებს კლინიკის სამედიცინო დირექტორი ივანე ჩხაიძე.