რეზო გაბრიაძის მოთხრობებზე შექმნილი მულტფილმი „ოსკარის“ სიაში მოხვდა

რეზო გაბრიაძის მოთხრობების მიხედვით შექმნილი მულტფილმი „იცი დედა სად ვიყავი?“, „ოსკარის“ ნომინანტებს შორის, საუკეთესო სრულმეტრაჟიანი მულტფილმების კატეგორიის ე.წ. ლონგლისტში მოხვდა. ამ სიაში ახლა 32 სრულმეტრაჟიანი მულტფილმია, „შორთლისტი“ კი 2020 წლის 13 იანვარს გახდება ცნობილი.

მულტფილმი „იცი დედა სად ვიყავი?“ 2018 წელს მწერლის, რეჟისორისა და მხატვრის რეზო გაბრიაძის მოთხრობების მიხედვით შეიქმნა. სურათის რეჟისორი ლევან გაბრიაძეა. ანიმაციურ ფილმს ინგლისურად „ჰარი-ჰარალე, დედაო!“ ჰქვია და სწორედ ამ სახელითაა „ოსკარის“ ნომინანტთა სიაში.

წყარო: marketer.ge