ოზურგეთსა და ლანჩხუთის მუნიციპალიტეტებში ძლიერმა წვიმამ პრობლემები შექმნა. ოზურგეთში დატბორილია მოსახლეობის საცხოვრებელი სახლები. განსაკუთრებით მძიმე ვითარებაა ერისთავის ქუჩაზე, სადაც მდინარე სკუჩა კალაპოტიდან გადმოვიდა და საცხოვრებელი სახლების პირველი სართულები დატბორა. მოსახლეობას დაზიანებული აქვს ავეჯი და ტექნიკა. ასევე რთულია ვითარება ლანჩხუთის მუნიციპალიტეტში. სოფლებში ხორეთსა და ქვედა მამათში წაღებულია დროებითი ხიდები, რომლებიც 8 სექტემბრის სტიქიის შემდეგ მოეწყო. დაზიანებულია საავტომობილო გზები. მუნიციპალიტეტების განცხადებით, ყველა პრობლემურ ლოკაციაზე აქტიურად მუშაობს როგორც მუნიციპალიტეტის შესაბამისი სამსახურები, ასევე სამაშველო ჯგუფები და მიმდინარეობს აღდგენითი სამუშაოები.
კომენტარები
Loading ...