რა ჭირდება უკრაინას რომ რუსეთი დაამარცხოს – ამერიკელი ექს-გენერლის მოსაზრება

იმისათვის, რომ უკრაინამ მოიგოს ომი რუსეთთან, შეერთებულმა შტატებმა და სხვა მოკავშირეებმა უნდა დაეხმარონ მას სტრატეგიული ძალების შექმნაში 40 000-მდე ჯარისკაცისგან შემდგარი ხუთი ბრიგადის სახით. მათი ამოცანა იქნებოდა შეტევითი ოპერაციების განხორციელება, რათა განდევნონ რუსული არმია უკრაინის მიწიდან.

ეს მოსაზრება ევროპაში აშშ-ის სპეციალური ოპერაციების სარდლობის ყოფილმა უფროსმა, გადამდგარმა გენერალ-მაიორმა მაიკ რეპასმა გამოთქვა, წერს CNN.

ის დარწმუნებულია, რომ 5 ბრიგადა არც ისე ბევრია და ეს უახლოეს მომავალში შეიძლება განხორციელდეს. გენერალი დარწმუნებულია, რომ უკრაინას შეუძლია მოიძიოს დამატებითი 40 000 ჯარისკაცი ასეთი სტრატეგიული ქვედანაყოფების მოსამზადებლად, ქვეყანაში არსებული საგანგებო მდგომარეობის გათვალისწინებით.

”ჩვენ გვჭირდება აშშ, საფრანგეთი, პოლონეთი, დიდი ბრიტანეთი და გერმანია, რომ ავაშენოთ უკრაინული ბრიგადა. ამ ქვეყნებს აქვთ სოლიდური სამხედრო შესაძლებლობები. მათ შეუძლიათ ძალების გენერირება მოახდინონ და აღჭურვონ და მათ ტერიტორიაზე გაწვრთნან უკრაინული ნაწილები. ამრიგად, შეიქმნება ხუთი ბრიგადა, ხუთ საოპერაციო სექტორში“, – განაცხადა მაიკ რეპასმა.

მისივე თქმით, ასეთი გეგმის განხორციელებას 6-8 თვე დასჭირდება. მან ხაზგასმით აღნიშნა, რომ ახლა დასავლური დახმარება ორიენტირებულია უკრაინის არმიის გადაუდებელ საჭიროებებზე, თუმცა მისი თქმით, პირიქით, უფრო სტრატეგიული მიდგომაა საჭირო.

www.unian.net