ოზურგეთის მუნიციპალიტეტის სოფელ შემოქმედში 17 წლის გოგოს უკვე მესამე დღეა ეძებენ. მარიამ ბურჭულაძე ბოლოს სკოლაში ნახეს, სადაც ის გაკვეთილებს დაესწრო. ბოლოს ის პედაგოგმა სკოლიდან გამავალი დაინახა. ოჯახს არანაირი ვერსია არა აქვს, თუ სად შეიძლება იყოს 17 წლის მარიამი. პედაგოგები და კლასელები მას წყნარ და საკმაოდ არაკომუნიკაბელურ მოზარდად ახასიათებენ. ბოლოს ის ქობულეთის გზაზე მარტო მიმავალი ვიდეოთვალმა დააფიქსირა. გავრცელდა ინფორმაცია, რომლის თანახმადაც ნაპოვნია მარიამის წერილი. ტექსტი ინგლისურ ენაზეა დაწერილი და საკმაოდ უცნაური შინაარსის არის. სავარაუდოდ, მასში ნახსენებია პედაგოგის და კლასელების ინიციალები. კლასელები ფიქრობენ, რომ შესაძლოა, მარიამი ცნობილ ინტერნეტ თამაშს “ლურჯ ვეშაპს” თამაშობდა.
“მის ოთახში იპოვეს წერილი, წერილში ეწერა, რომ ჩემს თავში რაღაცა ხმები ისმისო და რა ვუყო ამ ხმებსო. რაღაც მკვლელობაზე ეწერა, ….ინიციალებით ეწერა ადამიანების პირველი ასოები. რაღაც ნახატები იყო, მკვდარი კაცი ეხატა, ხელმოჭრილი. ჩემ მისიას ავასრულებო. – ინგლისურად ეწერა ორ ფურცელზე.” – ამბობს მარიამის კლასელი.
Loading ...