რა შეზღუდვები დაწესდება სააღდგომოდ – სრულად

საკოორდინაციო საბჭოს გადაწყვეტილებით, აღდგომის დღესასწაულთან დაკავშირებით, ქვეყნის მასშტაბით გარკვეული შეზღუდვები ამოქმედდება. 

კერძოდ, მთავრობის დადგენილებით, 3-დან 12 მაისის ჩათვლით შეიზღუდება მუნიციპალური ტრანსპორტის მოძრაობა, თუმცა შეზღუდვა საქალაქთაშორისო ტრანსპორტს არ შეეხება. შეზღუდვა იმოქმედებს ყველა ქალაქში, სადაც მუნიციპალური ტრანსპორტი მოძრაობს. შეზღუდვა არ შეეხება ტაქსებს, რომლებიც ჩვეულებრივ გააგრძელებენ მუშაობას.

გარდა ამისა, აღდგომის სადღესასწაულო დღეებში შეიზღუდება სასაფლაოზე გასვლა და ჩაიკეტება სასაფლაოსთან მისასვლელი გზები.

რაც შეეხება უშუალოდ აღდგომის ღამეს და ლიტურგიას, აღდგომის ღამეს კომენდანტის საათი 23:00 საათიდან დილის 04:00 საათამდე იმოქმედებს. აღსანიშნავია, რომ ე.წ. კომენდანტის საათი ძალაში რჩება. 

საქართველოს საპატრიარქოსთან კომუნიკაციის შედეგად, სადღესასწაულო ლიტურგია ტაძრებში ეპიდემიოლოგიური უსაფრთხოების ნორმების მაქსიმალური დაცვით ჩატარდება;

მათ შორის, ტაძრებში უზრუნველყოფილი იქნება გახმოვანების სისტემა, დაცული იქნება სოციალური დისტანცია და პირბადის მოხმარების წესი;

მანამდე, მთავრობა 4-11 მაისი უქმედ გამოაცხადა.