მამაკაცის თმის შეჭრა ერთ-ერთი ის მომსახურებაა, რომელიც 2025 წლის სექტემბერში საქართველოში ყველაზე მეტად გაძვირდა. საქსტატის მონაცემებით, წლიურად ფასებმა 9%-ით მოიმატა. ამ დროისთვის თბილისის სალონებში მარტივი ვარცხნილობის ფასი 12-15 ლარიდან (4 დოლარიდან) იწყება, ხოლო პრემიუმ მომსახურების მიღება საშუალოდ 55 ლარიდან (20 დოლარი) არის შესაძლებელი.
რაც შეეხება მსოფლიოს სხვადასხვა ქვეყანას, თითქმის ყველგან ფასები ადგილმდებარეობისა და მომსახურების სირთულის მიხედვით მნიშვნელოვნად განსხვავდება.
საბოლოო გავლენას ფასზე ისეთი ფაქტორები ახდენს, როგორიცაა ქალაქის სიმჭიდროვე, სტილისტის გამოცდილება, პროდუქტის გამოყენება და დაწესებულების ტიპი (საპარიკმახერო თუ სალონი).
2025 წლის მონაცემებით საშუალო ფასი ევროპისა და ამერიკის კონტინენტზე მდებარე უმეტეს ქვეყნებში 43-დან 55 დოლარამდე მერყეობს. ხოლო მარტივი სირთულის თმის შეჭრა დაახლოებით 25-40 დოლარის ფარგლებშია.
რაც შეეხება პრემიუმ მომსახურებას – როგორც წესი აღნიშნული პროდუქტი მოიცავს პროფესიონალურ ვარცხნილობას, წვერის შეჭრას და სხვა კომფორტს. სრული მოვლის პაკეტები სავარაუდოდ, 50-დან 150 დოლარამდე მერყეობს.
როგორც წესი, უფრო მაღალი ფასებია ურბანულ და მაღალი ტრაფიკის მქონე ქალაქებში, ვიდრე გარეუბნებში ან სოფლებში.
წარმოგიდგენთ მამაკაცის თმის შეჭრის საშუალო ფასს სხვადასხვა ქვეყნების დედაქალაქების მიხედვით:
- ნორვეგია: 64.50 დოლარი
- იაპონია: 56.00 დოლარი
- დანია: 48.21 დოლარი
- შვედეთი: 46.13 დოლარი
- ავსტრალია: $46.00
- აშშ: 44.00 დოლარი
- შვეიცარია: 42.96 დოლარი
- საფრანგეთი: 37.05 დოლარი
- სამხრეთ კორეა: 36.94 დოლარი
- ინგლისი: 35.74 დოლარი
Loading ...