ფიზიკური პირების ქონების დეკლარაციის წარდგენის ვადა 3 ნოემბერს ამოიწურა. რაც შეეხება გადახდის ვადებს, ქონების გადასახადის გადახდა, შესაბამის ფიზიკურ პირებს 17 ნოემბრის ჩათვლით შეეძლებათ.
ფინანსთა სამინისტროს შემოსავლების სამსახურის ინფორმაციით, დეკლარაციის წარდგენა ევალება ფიზიკურ პირს, მათ შორის მეწარმე ფიზიკურ პირს: თუ, პირის და მისი ოჯახის წევრების შემოსავალი გასული წლის მიხედვით აღემატება 40 000 ლარს და საკუთრებაში აქვთ დასაბეგრი ქონება (უძრავი ქონება, მათ შორის დაუმთავრებელი მშენებლობა, შენობა-ნაგებობა ან მათი ნაწილი, იახტა (კატარღა), შვეულმფრენი, თვითმფრინავი და მსუბუქი ავტომობილ(ებ)ი (გარდა მოტოციკლისა და მოპედისა) და სხვა.
ამასთან, აღსანიშნავია, რომ მიუხედავად შემოსავლის არსებობისა, თუ პირის საკუთრებაში ფიქსირდება მიწის ნაკვეთი, მას აქვს ვალდებულება, ქონების გადასახადი გადაიხადოს, გარდა იმ შემთხვევისა, რაზეც საშეღავათო პირობები ვრცელდება.
შემოსავლების სამსახურის ინფორმაციით, მიწის დაბეგვრისას შეღავათიანი პირობებით სარგებლობენ:
- 2004 წლის 1-ლი მარტის მდგომარეობით ფიზიკური პირის საკუთრებაში არსებული 5 ჰექტარამდე ფართობის სასოფლო-სამეურნეო დანიშნულების მიწის ნაკვეთები. {შენიშვნა: გათვალისწინებული შეღავათი ვრცელდება კომლის წევრის ან პირველი/მეორე რიგის მემკვიდრის მიერ აღნიშნული ქონების ჩუქებით/მემკვიდრეობით მიღების, აგრეთვე სასოფლო-სამეურნეო კოოპერატივის მიერ წევრებისაგან (მეპაიეებისაგან) ამ ქონების შენატანის (პაის) სახით მიღების შემთხვევებშიც}; გააგრძელეთ კითხვა:
Loading ...