ოზურგეთის მუნიციპალიტეტის საკრებულოს ბიურომ, საკრებულოს მორიგი სხდომის დღის წესრიგი დაამტკიცა.
სხდომას საკრებულოს თავმჯდომარე დავით დარჩია უძღვებოდა.
დადგენილი დღის წესრიგის მიხედვით სხდომაზე ოთხი საკითხი განიხილება: ოზურგეთის მუნიციპალიტეტის საკუთრებაში არსებული მერიის ადმინისტრაციულ ერთეულში მდებარე 500 კვ.მ. არასასოფლო-სამეურნეო დანიშნულების მიწის ნაკვეთის სახელმწიფოსათვის საკუთრებაში გადაცემის შესახებ; ოზურგეთის მუნიციპალიტეტის ტერიტორიაზე არსებული სახელმწიფო და ოზურგეთის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნაკვეთის ნორმატიული ფასის დადგენის შესახებ.
ასევე იმსჯელებენ, ოზურგეთის მუნიციპალიტეტის ტერიტორიაზე საგანგებო მართვის გეგმის დამტკიცების შესახებ – ოზურგეთის მუნიციპალიტეტის საკრებულოს დადგენილების მისაღებად საჯარო ადმინისტრაციული წარმოების თაობაზე და ოზურგეთის მუნიციპალიტეტის საკრებულოს 2026 წლის I კვარტლის სამუშაო გეგმის დამტკიცების შესახებ.
საკრებულოს მორიგი სხდომა 28 იანვარს 11:00 საათზე გაიმართება.
კომენტარები
Loading ...