ჩოხატაურის მუნიციპალიტეტის საკრებულოს თავმჯდომარე დავით შარაშიძე ჯგუფური ძალადობის ბრალდებით დააკავეს. შემთხვევა ოზურგეთში, ახალგახსნილ რესტორან ”ილიკოში” მოხდა, სადაც გავრცელებული ინფორმაციით, ოზურგეთის საკრებულოს ერთ-ერთი დეპუტატის შვილის ნათლობის სუფრა მიმდინარეობდა და დავით შარაშიძე, კონფლიქტის მონაწილე მეორე მხარესთან ერთად აღნიშნული სუფრის წევრი იყო.
როგორც თვითმხილველები ამბობენ, დაპირისპირება საკრებულოს თავმჯდომარესა და ერთ-ერთ პოლიციელს შორის მოხდა და მიზეზი შარაშიძის მხრიდან ჩოხატაურის მუნიციპალიტეტის ყოფილ მერთან, ირაკლი კუჭავასთან დაკავშირებული უხამსი გამონათქვამი იყო. კონფლიქტში ჩაერთვნენ სხვა ადამიანებიც და პოლიციელს ფიზიკურად გაუსწორდნენ რის შედეგადაც მან დაზიანებები მიიღო სახის არესა და სხეულის სხვადასხვა ნაწილში.
კონფლიქტის მონაწილე ორი პირს პოლიცია ამ დრომდე ეძებს, ხოლო დავით შარაშიძე შემთხვევიდან მალევე დააკავეს. ინციდენტში მონაწილე პოლიციელი კი დაკავებული თანამდებობიდან გათავისუფლებულია.
Loading ...