ოზურგეთის მუნიციპალიტეტის დაბა ლაითურში,ციხის მშენებლობაზე უბედური შემთხვევას მამაკაცი ემსხვერპლა. გავრცელებული ინფორმაციით, ახალგაზრდა მამაკაცს, რომელიც აქაურ მშენებლობაზე მუშად იყო დასაქმებული, სატვირთო ავტომობილი დაეჯახა. მამაკაცი ადგილზე გარდაიცვალა. დაბა ლაითურში, ციხის მშენებლობას კომპანია “ანაგი” აწარმოებს. “ანაგის” პროექტების მენეჯერი აცხადებს, რომ ტრაგედიის დეტალებზე გამოძიების დასრულებამდე ვერ ისაუბრებს:
– მოხდა უბედური შემთხვევა და დეტალებს გამოძიება დაადგენს. მხოლოდ ამის შემდეგ შემეძლება საუბარი, – აღნიშნა კახა გოგავამ. მისივე თქმით, ავტომობილი, რომელიც მუშას სამუშაოების შესრულების დროს დაეჯახა კომპანიას ეკუთვნოდა და არა იუსტიციის სამინისტროს, რომლის თანამშრომლები ციხეს იცავენ.სატვირთო ავტომობილი, რომლითაც სავარაუდოდ შემთხვევა მოხდა, საჯარიმო ავტოსადგომზე გადაიყვანეს. შინაგან საქმეთა სამინისტრომ შემთხვევის გამოძიება სისხლის სამართლის კოდექსის 240-ე მუხლის მეორე ნაწილით დაიწყო.
Loading ...