ცნობილი პოეტი, პუბლიცისტი და მთარგმნელი რაულ ჩილაჩავა გურიაშია. უკრაინაში მოღვაწე ხელოვანი შეკვეთილში ისვენებს და რეაბილიტაციის პერიოდს გადის.
რაულ ჩილაჩავას გზა უკრაინიდან პოლონეთამდე საკმაოდ რთული და ემოციური აღმოჩნდა. უფროსი ვაჟი კიევში დარჩა, ოჯახის დანარჩენი წევრები კი უკვე სამშვიდობოს არიან.
უკრაინა ევროპაა, ხოლო უკრაინელები გაუტეხელი, სამხედრო სულის მქონე ხალხია – ამაში რაულ ჩილაჩავა ღრმადაა დარწმუნებული. ის უკრაინაში 55 წელია ცხოვრობს და სამშობლოდ ქცეულ ქვეყანაში ომი მისთის რთული საყურებელია.
ტკივილისა და სიძნელეების ფონზე შემოქმედებითი იმპულსები, როგორც წესი მძარფდება. ასე მოხდა რაულ ჩილაჩავას შემთხვევაშიც. მისთვის ახლა აქტიური შემოქმედებითი პერიოდი დგას.
და გურია…ის მისი საყვარელი მხარეა. თვლის, რომ სამეგრელო და გურია თვისობრივად ყველაზე ახლოს დგანან ერთმანეთთან და ამიტომ გურიაში თავს ყოველთვის შინაურად გრძნობს. იხსენებს ძველ მოგონებებსაც.
ჯერჯერობით ისევ საქართველოში იქნება. ამჟამად შეკვეთილში ისვენებს, სადაც ძველი მეგობარი, რომან ლომაძე მოინახულა და სარეაბილიტაციო ცენტრ ‘’გურიასაც’’ ეწვია. ასე გადის დრო იქამდე, ვიდრე მეორე სამშობლოში დაბრუნების დრო მოვა. ბატონი რაული ამ მომენტს ოჯახთან და ოჯახის სრულუფლებიან წევრთან საყვარელ ჩაპასთან ერთად დაელოდება….
კომენტარები
Loading ...