ბათუმში 15 წლის მოზარდს ტუჩის ფილერი მშობლების ნებართვის გარეშე გაუკეთეს. ინფორმაციას “ბათუმელები” ბებიაზე დაყრდნობით ავრცელებს, რომელმაც პოლიციას მიმართა.
ბებია გამოცემასთან ამბობს, რომ როგორც კლინიკაში განუმარტეს, არ იცოდნენ, რომ მოზარდი არასწრულწლოვანი იყო.
“ჩემი შვილიშვილი 15 წლისაა. შემთხვევით გავიგეთ, რომ კოსმეტიკური პროცედურა ჩაუტარებია და ფილერი გაუკეთებია ტუჩებზე. ინსტაგრამის გვერდზე ვნახეთ შემთხვევით ფოტოები და ასე გავიგეთ ამის შესახებ”, – ამბობს მოზარდის ბებია “ბათუმელებთან”.
ქალი ამბობს, რომ კლინიკას უჩივლა, რადგან სხვა ბავშვები დაიცვას მსგავსი განუკითხაობისგან.
“არც ის ვიცით, რა წამალი გაუკეთეს, რა ხარისხის. არც ანალიზები აუღეს, არაფერი გამოჰკითხეს, ისე ჩაუტარეს პროცედურები”, – ყვება ბებია.
“ბათუმელებთან” ბავშვის დედაც ადასტურებს, რომ კოსმეტიკური პროცედურები გოგოს მისი თანმხობის გარეშე გაუკეთეს.
Loading ...
