რატომ იგრძნობოდა საქართველოში მიწისძვრა უფრო მკვეთრად, ვიდრე, შესაძლოა, თავად ეპიცენტრში იგრძნეს

მიწისძვრა, რომელიც დაღესტნის ტერიტორიაზე, საქართველოს საზღვრიდან 25 კმ-ში მდებარეობდა, საგრძნობი იყო საქართველოშიც.

ილიას სახელმწიფო უნივერსიტეტის დედამიწის შემსწავლელ მეცნიერებათა ინსტიტუტის დირექტორი თეა გოდოლაძე განმარტავს, რატომ იგრძნო ბიძგი მკვეთრად ჩვენი ქვეყნის მოსახლეობამ.

„ღრმაკერიანი მიწისძვრა არის, დაახლოებით 42-50 კილომეტრამდეა მიწისძვრის სიღრმე. ტექტონიკური თვალსაზრისით საინტერესო მიწისძვრაა, ამ სიღრმის გამო იგრძნო უფრო საქართველოს მოსახლეობამ, ვიდრე ეპიცენტრში შესაძლებელია გრძნობდნენ ამ დროს. მომყოლი მიწისძვრებიც იყო, საშიში აბსოლუტურად არაფერია, არ არის ეს დიდი მიწისძვრა“, – ამბობს გოდოლაძე.