ლიეტუვის ქალაქ ალიტუსში, რომელიც ოზურგეთთან დამეგობრებული ქალაქია, საბურავების უტილიზაციის ერთ-ერთ უმსხვილეს საწარმოში ძლიერი ხანძარი გაჩნდა. ხანძრის შედეგად წარმოქმნილი მომწამვლელი კვამლის შედეგად ალიტუსს მნიშვნელოვანი ეკოლოგიური ზიანი მიადგა. ბავშვთა უსაფრთხოების გამო გარკვეული პერიოდით შეჩერებული იყო სწავლა საბავშვო ბაღებსა და სკოლებში. ოზურგეთის მუნიციპალიტეტმა ალიტუსის მუნიციპალიტეტის ბავშვები და მათი ოჯახები ტოქსიკური ზემოქმედების შემცირების მიზნით ოზურგეთში მოიწვია და აქაურ კურორტებზე დასვენება შესთავაზა.
ინიციატივის ფარგლებში, ოზურგეთის მუნიციპალიტეტმა მზადყოფნა გამოთქვა, უზრუნველყოს ალიტუსის მუნიციპალიტეტის 100 წარმომადგენლის (ბავშვები და მათი ოჯახები) მიღება და განთავსება.
ალიტუსის მუნიციპალიტეტმა, ოზურგეთის მერის, კონსტანტინე შარაშენიძის აღნიშნულ შეთავაზებასთან დაკავშირებული წერილი ფეისბუქის ოფიციალურ გვერდზე გამოაქვეყნა და ოზურგეთს მხარდაჭერისთვის მადლობა გადაუხადა.
Loading ...