საკოორდინაციო საბჭოს მიერ დღეს მიღებული გადაწყვეტილებით შეზღუდვები არ ვრცელდება სილამაზის სალონებზე და ისინი საქმიანობას რეკომენდაციების დაცვით გააგრძელებენ.
დაავადებათა კონტროლის ეროვნული ცენტრის ხელმძღვანელი ამირან გამყრელიძე მთავრობის ადმინისტრაციაში გამართულ ბრიფინგზე ჟურნალისტის კითხვის საპასუხოდ განმარტავს, თუ რატომ არ გავრცელდა შეზღუდვები სილამაზის სალონებზე და აცხადებს, რომ „რისკი ყველგან არის, მაგრამ ფასდება ე.წ. შედარებითი რისკი“.
მისი თქმით, სილამაზის სალონების დახურვით ვირუსის გავრცელება შესაძლოა უფრო მასშტაბური ყოფილიყო.
„როდესაც შეფასდა შედარებითი რისკი, აღმოჩნდა, რომ სილამაზის სალონების უმრავლესობაში კარგად იცავენ პრევენციულ ღონისძიებებს. მეორე რისკია ის, რომ სილამაზის სალონების დაკეტვის შემთხვევაში, სტილისტები ივლიდნენ შემდეგ სახლებში და შესაძლებელია უფრო მეტი იყოს გავრცელების რისკი. ამ რისკის შეფასების გათვალისწინებით საკოორდინაციო საბჭოს მიერ ჩაითვალა, რომ ამ ტიპის მიდგომა ყოფილიყო“, – განაცხადა ამირან გამყრელიძემ.
Loading ...