მიზეზები, რის გამოც მნიშვნელოვანია ბავშვებს ხშირად ჩავეხუტოთ –
მეტი სიახლოვისთვის. ჩახუტების ყველაზე თვალსაჩინო ეფექტი ფსიქოლოგიურია. ის ბავშვებსა და მშობლებს ეხმარება ემოციური და ფსიქოლოგიური კავშირის, ურთიერთმხარდაჭერის შეგრძნებაში. მეცნიერები ფიქრობენ, რომ ამ ეფექტებში ჩარეულია სიყვარულისა და ნდობის ჰორმონი- ოქსიტოცინი. ჩახუტება საჭიროა არა მარტო შვილებთან. არ დაგავწყდეთ საყვარელი ადამიანები, მშობლები, ახლო ნათესავები და კარგი მეგობრები.
ბავშვს იცავთ სტრესისგან. 1997 წელს მეცნიერები ლაბორატორიულ ვირთხებზე დაკვირვების შედეგად მივიდნენ საინტერესო დასკვნამდე. დედა ვირთხებს, რომლებიც უვლიდნენ თავის ნაშიერს და ხშირად ლოკავდნენ მათ, სტრესისადმი უფრო მედგარი თაობა ეზრდებოდა. როგორც ჩანს მსგავსად მუშაობს ნებისნიერი სახის ტაქტილური კონტაქტი, მათ შორის ჩახუტებაც.
ნერვულ დაძაბულობასთან გამკლავების უნარი – მნიშვნელოვანი უნარია თანამედროვე ადამიანის ცხოვრებაში. ქრონიკული სტრესი ზრდის სიმსუქნის, არტერიული ჰიპერტენზიის, შაქრიანი დიებეტის, გულის იშემიური დაავადების, დეპრესიის და ნარკომანიის რისკს. ბავშვის დასაცავად უბრალოდ ჩაეხუტეთ მას და გააკეთეთ ეს რეგულარულად. კიდევ ერთი საინტერესო დაკვირვება: სტრესზე შთამომავლობის რეაქციის გაუმჯობესებას ეხმარებოდა ორსული ვირთხების მოფერებაც. ასე რომ პატარას დაბადებამდე ჩახუტების და ნაზი შეხების სარგებელი ასევე დამტკიცებულია.
Loading ...