რას სთავაზობს მეუფე იოსები მოსახლეობას – ახალი ინიციატივა

ოზურგეთის  საკათედრო ტაძარში საკვირაო წირვა-ლოცვა ჩატარდა.  მრევლის დიდი ნაწილი ეზოში, სპეციალურად მონიშნულ ადგილებზე იდგა და ცდილობდა, უსაფრთხოების წესები დაეცვა. 
წირვა შემოქმედელმა მიტროპოლიტმა მეუფე იოსებმა ჩაატარა.
შემოქმედელმა მიტროპოლიტმა  დღევანდელ ქადაგებაშიც ციფრულ ფულზე გააკეთა აქცენტი. მრევლს ხარების დღესასწაულზე პირბადეებით მოსვლის კურთხევა მისცა და ასევე გააჟღერა ახალი ინიციატივაც:
“მძიმე ზამთარი გველის, ვფიქრობ დიდი შიმშილობა იქნება. აქედან გამომდინარე, მოსახლეობას ვთავაზობ გამოიყენოს ეპარქიის კუთვნილი მიწები, დათესოს და საკვები მოიყვანოს. ეკლესიას აქედან ერთი გრამიც არ უნდა. თქვენ შექმნით კოოპერატივები, იშრომეთ და საკვები მოიმარაგეთ.” – აღნიშნა მეუფე იოსებმა.