რას აჩუქებენ პატარებს თბილისის საბავშვო ბაღებში და როდის დარიგდება საახალწლო ნუგბარი

თბილისის საბავშვო ბაგა-ბაღების მართვის სააგენტოს ინფორმაციით, ბავშვებისთვის საახალწლო ნუგბარი უკვე შესყიდულია და 30 დეკემბრამდე ეტაპობრივად გადაეცემათ. აღსანიშნავია, რომ წელს საბავშვო ბაღებში საახალწლო ღონისძიებების ჩატარება ნებადართულია და თითოეული ბაღი აღსაზრდელებს ინდივიდუალურად, საახალწლო ზეიმის დროს გადასცემს საჩუქრებს.

თბილისის საბავშვო ბაგა-ბაღების თითოეული აღსაზრდელისთვის საახალწლოდ 450 გრამი ტკბილეულია გათვალისწინებული. მათ შორის:·

• შოკოლადის მინი ფილა არანაკლებ 30 გრ. (რძიანი, შავი)
• ვაფლის ბატონი არანაკლებ 60 გრ.
• შოკოლადის ბატონი არანაკლებ 40 გრ.
• შოკოლადი არანაკლებ 100გრ (მინიმუმ 5 სახეობა)
• კარამელის კანფეტი 4 სხვადასხვა სახეობა (ორი შიგთავსით) არანაკლებ 170 გრ.
• ჟელეს კანფეტი არანაკლებ 50 გრ.

თითოეული სახეობა ტკბილეული ქარხნულად შეფუთული, საახალწლო თემატიკით ბრენდირებულ მუყაოს ყუთში იქნება.

შეგახსენებთ, რომ საბავშვო ბაგა-ბაღებში ზამთრის არდადეგები 30 დეკემბრიდან დაიწყება და 15 იანვრის ჩათვლით გაგრძელდება.