დეპუტატების ხელფასის 2.5-ჯერ გაზრდამდე ერთი წლით ადრე, 2024 წლის 1-ელი იანვრიდან ყოფილი დეპუტატების პენსია 78.5%-ით გაიზარდა.
საქმე ის არის, რომ პარლამენტის ყოფილი დეპუტატები 2023 წლის ჩათვლით პენსიის სახით 560 ლარს იღებდნენ, თუმცა “ოცნებამ” რეგლამენტში ცვლილებები მიიღო, რომლითაც ჭერი 1 000 ლარამდე გაიზარდა. ანუ 2024 წლის 1-ელი იანვრიდან, ყოფილი დეპუტატების პენსია 1 000 ლარს შეადგენს.
„სახელმწიფო კომპენსაციისა და სახელმწიფო აკადემიური სტიპენდიის შესახებ“ კანონის თანახმად, კომპენსაცია შეიძლება დაენიშნოს საპენსიო ასაკის მიღწევისას (65 წლის ასაკის მიღწევისას ქალს, 60 წლის მიღწევისას კაცს) ან მინიმუმ 25 წლის შრომის სტაჟის მქონე პარლამენტის წევრს, იმ შემთხვევაში, თუ იგი საპარლამენტო ვადის არანაკლებ 6 თვის პერიოდით იყო საქართველოს პარლამენტის წევრი და მისი უფლებამოსილება ვადამდე არ შეწყვეტილა. ცნობისთვის, კომპენსაცია მოქმედი წევრის ხელფასის მესამედს შეადგენს.
რაც შეეხებათ თანამდებობის სხვა პირებს, საპენსიო დანამატი ეკუთვნით:
- სამხედრო, შინაგან საქმეთა ორგანოების, ფინანსური პოლიციის და სახელმწიფო დაცვის სპეციალური სამსახურებიდან თადარიგში დათხოვნილ პირებს;
- პროკურატურის სისტემიდან დათხოვნილ პირებს;
- პარლამენტის წევრებს (ყოფილ წევრებს).
- უმაღლესი დიპლომატიური რანგის მქონე პირებს;
- ყოფილ მოსამართლეებს.
Loading ...