დღეს საპატრიარქოში წმინდა სინოდის სხდომა გაიმართა. სხდომა საქართველოს კათოლიკოს-პატრიარქის, ილია მეორის მოწვევით გაიმართა და მას თავად კათოლიკოს-პატრიარქი თავმჯდომარეობდა. სხდომის დეტალები, რომელიც ორი საათის მანძილზე გრძელდებოდა, ბოლომდე ცნობილი არ არის, თუმცა საპატრიარქოს პრეს–მდივნის ანდრია ჯაღმაიძის განცხადებით, სხდომაზე ისაუბრეს საქართველოს ოკუპირებულ ტერიტორიებზე არსებულ ვითარებაზე და იმ ეკლესია–მონასტრებზე, რომლებიც აღნიშნულ რეგიონებში საპატრიარქოს დაქვემდებარებაშია, ასევე იმსჯელეს საქართველოს მაღალმთიან რეგიონებზე და ზოგადად ქვეყანაში არსებულ ვითარებასა და მსოფლიოში მიმდინარე სამხედრო კონფლიქტებზე. უფრო კონკრეტული დეტალები სინოდის სხდომის, ასევე სხვადასხვა მღვდელმთავრის სიტყვით გამოსვლისა თუ პოზიციების შესახებ ცნობილი, განჩინების გამოქვეყნების შემდეგ გახდება.
Loading ...
