ჟოზეფ ბორელი რუსეთის წინააღმდეგ სანქციებზე – აღარანაირი შოპინგი მილანში, წვეულებები სენ-ტროპეზე, ბრილიანტები ანტვერპენში და ეს მხოლოდ პირველი ნაბიჯია

აღარანაირი შოპინგი მილანში, წვეულებები სენ-ტროპეზე, ბრილიანტები ანტვერპენში და ეს მხოლოდ პირველი ნაბიჯია, – ასე გამოეხმაურა საგარეო და უსაფრთხოების საკითხებში ევროკავშირის უმაღლესი კომისარი ჟოზეფ ბორელი, რუსეთისთვის სანქციების დაწესების შესახებ მიღებულ გადაწყვეტილებას.

ევროკავშირი რუსეთს სანქციებს უწესებს. ჟოზეფ ბორელის თქმით, სანქციები უწესდება რუსეთის დუმის 351 დეპუტატს, რომლებმაც მხარი დაუჭირეს ოკუპირებული დონბასისა და ლუგანსკის ე.წ. დამოუკიდებლობის აღიარებას.

ასევე, სანქციები უწესდება 27 რუს ფიზიკურ და იურიდიულ პირს, აგრეთვე ბანკებს, თავდაცვის სექტორს და იზღუდება რუსეთის წვდომა ევროპის საფინანსო ბაზრებზე. 

No more :

Shopping in #Milano

Partying in #SaintTropez

Diamonds in #Antwerp

This is a first step. #WeStandUnited

(4/4)

— Josep Borrell Fontelles (@JosepBorrellF) February 22, 2022