ცნობილ ბელგიელ მსახიობს, ფილმ Street Fighter-ის, Kickboxer-ისა და Universal Soldier-ის ვარსკვლავს, ჟან-კლოდ ვან დამს რუმინეთის ორგანიზებულ დანაშაულთა და ტერორიზმის დირექტორატი სექს ტრეფიკინგის მსხვერპლ 5 ქალთან სექსუალურ კავშირს ედავება.
არსებული ინფორმაციით, კანში ყოფნისას ბელგიელ მსახიობს რამდენიმე ადამიანმა 5 რუმინელ მოდელთან სექსუალური კავშირი შესთავაზა, როგორც ერთგვარი “საჩუქარი” – მედიის ცნობით, ერთ-ერთი ადამიანი, რომელიც ამ პროცესში მონაწილეობდა რუმინელი ბიზნესმენი და სამოდელო სააგენტოს მფლობელი, მორელ ბოლეა იყო.
ერთ-ერთი მოწმის ადვოკატის, ადრიან კუკულისის თქმით, აღნიშნული ადამიანების წინააღმდეგ რუმინეთში კრიმინალური ჯგუფის ფორმირებასა და სუტენიორობის ნიადაგზე გამოძიება მიმდინარეობს.
კუკულისი ასევე აღნიშნავს, რომ “პირმა [ვან დამმა], რომელმაც ეს სერვისი მიიღო იცოდა მსხვერპლთა მდგომარეობა”.
Loading ...