თბილისის სააპელაციო სასამართლოში საბა ჯიქიას საქმის განხილვა დაიწყო.
გდდ-ის თანამშრომელისთვის ფეხის დარტყმაში მსჯავრდებულ 19 წლის საბა ჯიქიას პირველი ინსტანციის მოსამართლე თამარ მჭედლიშვილმა 4 წლით და 6 თვით პატიმრობა მიუსაჯა.
სააპელაციო სასამართლო განიხილავს როგორც საბა ჯიქიას ადვოკატის, ასევე ბრალდების მხარის სააპელაციო საჩივარს.
პროკურატურა 4.5-წლიანი სასჯელის დამძიმებას მოითხოვს.
ჯიქიას წარმომადგენლები კი მის უდანაშაულოდ ცნობას.
სახელმწიფო ბრალდებას თამარ იაკობიძე წარმოადგენს. სააპელაციო სასამართლოში საქმეს დავით მამისეიშვილი განიხილავს.
მომდევნო პროცესი 3 ნოემბერს ჩაინიშნა.
საბა ჯიქიას პოლიციელზე თავდასხმას ედავებოდნენ. პროკურატურის პოზიციით, მან გდდ-ის თანამშრომელს ფეხი დაარტყა სხეულის არეში.
საქმეში „დაზარალებული“ გდდ-ის თანამშრომელი ბექა გოტიაშვილია, რომელიც თავადაც ამბობს, რომ დაზიანება არ მიუღია.
ჯიქიას ბრალი სისხლის სამართლის კოდექსის 353-ე პრიმა მუხლის პირველი ნაწილით ჰქონდა წარდგენილი, რაც პოლიციელზე თავდასხმას გულისხმობს და 4-დან 7 წლამდე თავისუფლების აღკვეთას ითვალისწინებს.
Loading ...