პრეზიდენტის ადმინისტრაცია 12 ახალ ავტომობილს ყიდულობს – ამის შესახებ სახელმწიფო შესყიდვების სააგენტოს ვებგვერდზე გამოქვეყნებული ტენდერიდან ირკვევა.
განაცხადის თანახმად, ერთი ავტომობილის სავარაუდო შესასყიდი ფასი 66,220 ლარი იქნება, შესაბამისად, ახალი ავტომობილების ჯამური ღირებულება 794,640 ლარს შეადგენს.
განაცხადის თანახმად, ახალი ავტომობილი არანაკლებ 4.5 მეტრის სიგრძის და არანაკლებ 1.76 მეტრის სიგანის უნდა იყოს. ამასთან, ავტომობილს არანაკლებ 105 ცხენის ძალა უნდა ჰქონდეს.
ახალი ავტომობილები არაუადრეს 2025 წლის მოდელის უნდა იყოს.
კომპანიებს ტენდერში წინადადებების წარდგენა 1 დეკემბრამდე შეეძლებათ.
ცნობისთვის, პრეზიდენტის ადმინისტრაციის ბიუჯეტი 2025 წელს 10 მილიონ ლარს შეადგენს. ადმინისტრაციაში სულ 69 ადამიანი არის დასაქმებული.
კომენტარები
Loading ...