შსს-ს განცხადებით, გენერალურმა ინსპექციამ თაღლითობის ბრალდებით, თბილისის პოლიციის დეპარტამენტის უფროსი გამომძიებელი, 1988 წელს დაბადებული გ.ს. დააკავა.
“გამოძიებით დადგინდა, რომ შინაგან საქმეთა სამინისტროს თბილისის პოლიციის დეპარტამენტის უფროსმა გამომძიებელმა, თბილისში მცხოვრებ უცხო ქვეყნის მოქალაქეს, მისი ნაცნობის – ასევე, უცხო ქვეყნის მოქალაქის თითქოსდა საქართველოს ტერიტორიაზე შემოყვანის სანაცვლოდ, მოტყუებით მოსთხოვა 3 000 აშშ დოლარი, საიდანაც 500 აშშ დოლარი წინასწარ გამოართვა” – ნათქვამია უწყების განცხადებაში.
გამოძიება სისხლის სამართლის კოდექსის 180-ე მუხლის მე-2 ნაწილის ბ ქვეპუნქტით მიმდინარეობს, რაც 4 – დან 7 – წლამდე ვადით თავისუფლების აღკვეთას ითვალისწინებს.
კომენტარები
Loading ...