პენტაგონმა ახალი დახმარება დაადასტურა, რას მიიღებს უკრაინა – სრული ჩამონათვალი

პენტაგონმა დაადასტურა უკრაინისთვის ახალი დახმარება, რომელიც დაახლოებით $1,1 მილიარდს შეადგენს. აღნიშნულია, რომ ეს იქნება „მრავალწლიანი ინვესტიცია“ კრიტიკულ შესაძლებლობებში უკრაინის შეიარაღებული ძალების მდგრადი ძალის შესაქმნელად.

პენტაგონის ვებგვერდზე უკვე გამოჩნდა სრული სია, თუ რას მიიღებს უკრაინა.

პენტაგონმა ხაზი გაუსვა, რომ ეს პაკეტი დაეხმარება უკრაინას დაიცვას ქვეყანა რუსული აგრესიისგან.
რას მიიღებს უკრაინა:
– 18 მაღალი მობილურობის საარტილერიო სარაკეტო სისტემა (HIMARS) და მასთან დაკავშირებული საბრძოლო მასალა;
– 150 დაჯავშნული მაღალი გამავლობის მრავალფუნქციური ბორბლიანი მანქანა (HMMWV);
– იარაღის ბუქსირების 150 ტაქტიკური მანქანა;
– 40 სატვირთო მანქანა და 80 მისაბმელი მძიმე ტექნიკის გადასაყვანად;
– ორი რადარი უპილოტო საფრენი აპარატებისთვის;
– 20 მრავალფუნქციური რადარი;
– უპილოტო საჰაერო სისტემები;
– ტაქტიკური უსაფრთხო საკომუნიკაციო სისტემები, სათვალთვალო სისტემები და ოპტიკა;
– ფეთქებადი ობიექტების განადგურების აღჭურვილობა;
– ჯავშანი და სხვა საველე აღჭურვილობა;
– დაფინანსება ტრენინგის, შენარჩუნებისა და მხარდაჭერისთვის.
”საერთო ჯამში, 2021 წლის იანვრიდან შეერთებულმა შტატებმა დაახლოებით 16,9 მილიარდი დოლარის დახმარება გაუწია უკრაინას უსაფრთხოებისთვის. 2014 წლიდან შეერთებულმა შტატებმა დაახლოებით 19 მილიარდი დოლარის დახმარება გაუწია უკრაინას, ხოლო 16 მილიარდ დოლარზე მეტი რუსეთის არაპროვოცირებული მოქმედებების დაწყებიდან”, – დასძინა პენტაგონმა.

აშშ-ს თავდაცვის დეპარტამენტი აგრძელებს უკრაინასთან მუშაობას უსაფრთხოების დახმარების როგორც მისი დაუყოვნებელი, ასევე გრძელვადიანი საჭიროებების დასაკმაყოფილებლად.

წყარო: www.unian.net