პენტაგონის წარმომადგენელი: უკრაინული ძალები თავიანთი ტერიტორიების დასაბრუნებლად იბრძვიან

აშშ-ის თავდაცვის სამინისტროს მაღალჩინოსნის თქმით, ბოლო დღეებია, უკრაინული სამხედრო ძალები თავიანთი, რუსეთის მიერ მიტაცებული ტერიტორიების დასაბრუნებლად იბრძვიან.

მისი განცხადებით, უკრაინელებს ამისი სურვილიც აქვთ და შესაძლებლობაც.

ამერიკული მედიის ცნობით, აშშ-ის თავდაცვის უწყების წარმომადგენელმა მოიყვანა იმ უკრაინელების მაგალითები, რომლებიც იბრძვიან ხერსონის დასაბრუნებლად, ასევე, უტევენ რუსულ ჯარებს მიკოლაევთან, სადაც თავდამსხმელებს ჩრდილოეთიდან სამხრეთით მოუწიათ დისლოკაცია.

პენტაგონის მაღალჩინოსანმა ასევე აღნიშნა, რომ არ შეუძლია დაკონკრეტება, არის თუ არა ეს “უკრაინელების დიდი ოპერაციული გეგმის” ნაწილი.

“უკრაინის თავდაცვა მოხერხებული და მოქნილია”. – აცხადებს აშშ-ის თავდაცვის წარმომადგენელი.