პედოფილიის მცდელობა თბილისში – დედაქალაქის სკოლებში პანიკაა

განგაში თბილისის 32-ე საჯარო სკოლაში გაკვეთილების დასრულების შემდეგ გამოცხადდა. მე-6 კლასელ გოგოსთან უცხო მამაკაცი მივიდა და ბავშვს თანხა მანქანით გასეირნების სანაცვლოდ შესთავაზა.

შეშინებულმა მოზარდმა სასწრაფოდ გაქცევა და დედასთან დარეკვა მოასწრო, რის შემდეგაც 32-ე სკოლაში პოლიცია გამოიძახეს. სამართალდამცველები ადგილზე საათების განმავლობაში მუშაობდნენ, თუმცა უშედეგოდ. უცხო მამაკაცმა ტერიტორიის დატოვება და მიმალვა მოასწრო.

ერთ-ერთი ვერსიით, უცხო მამაკაცმა მე-6 კლასელ გოგონას მეტრომდე გასეირნება შესთავაზა. ამ დროს გოგონა სკოლის უკან, სტადიონზე განმარტოებით იდგა და ძმას ელოდა, რომ გაკვეთილების შემდეგ სახლში ერთად წასულიყვნენ. არასრულწლოვანმა გოგონამ დედასთან ერთად, პოლიციას ჩვენება უკვე მისცა.

ადგილობრივების ინფორმაციით, შედგენილია სავარაუდო დამნაშავის ფოტორობოტიც.

სოციალურ ქსელი ბოლო ერთი კვირაა აფეთქდა. პანიკაში მყოფი მშობლების განცხადებებით, ყველა სხვადასხვა ისტორიას წერს, რომ შუახნის მამაკაცები ბავშვებს სკოლებთან უსაფრთდებიან და ფულის სანცვლოდ წაყოლას სთავაზობენ.

პოლიციის მობილიზების შემედეგ სანზონაში ახლა პანიკაა. დილიდან, ბავშვებს სკოლაში მშობლები დაჰყვებიან და მარტოს აღარ უშვებენ.

გოგონას გატაცების მცდელობის ამბავს 32-ე სკოლის დირექცია საგულდაგულოდ მალავდა. ამიტომ, სკოლაში ტვ პირველის გამოჩენას პანიკა მოჰყვა. ადმინისტრაცია ჯერ დაიმალა და ამტკიცებდნენ, რომ სკოლაში მსგავს ფაქტს ადგილი არ ჰქონია.

მოგვიანებით კი, ბავშვის გატაცების მცდელობა „პირველებს“ სკოლის დირექტორმა დაუდასტურა.

ამ დრომდე უცნობია შეძლო თუ არა შინაგან საქმეთა სამინისტრომ დამნაშავის კვალზე გასვლა.